Corpus Van Reenen-Mulder (CRM14): Oorkonde L535r39801

@ Jch Gherijt van spalle prijst_ kirch_e jn + der tijt der kircke_ binne_ der stat van keppel gheleghe_ Make kont ende bekenne au_~middes desen apene_ brieue / dat jch ontfanghe_ @ hebbe en_ ontfanghe van Euerde den Roden van heker gheheite_ die Rut_ en_ van trueden sine_ wijtlicke_ wijue jn die ere gades tot ene_ ewighe_ testame_te puerlicke vm @ gades willen jn behueff deer peepliker praue_de Oren teenden gheleghe_ tot olborch / die geheite_ is des Roden teende / en_ gheet au_ gadeke me_sen guet Ende die @ lant alinch in + der aelder heye dat totten guede hoirt mitten haluen bierle / en_ mitten tween beemtstucke_ / Ende dat meestedeel van + der sijder maet Ende dat - @ + meestedeel van + der hogher maet / En_ een stucke baue_ in + der luttiker maet . dat Sweder zywerdes is En_ een stucke in + der bercherdes~maet En_ een stucke ? @ der doer in + den velde Ende een deel in Martijns maet En_ een gardeken gheleghe_ in der maet / die totten hoff tolborghe hoert En_ een stucke dat gheleghe_ js vp @ der aelder heye dat Sh_en van voerst en_ der abdissen is / en_ voirt soe waer die voirg_ teende gheleghe_ js / en_ alse sij den ghecocht hebben weder johan den @ Roden van heker / Ende ander + halue hofstede en_ ene_ hoff / gheleghe_ binne_ doesborch / bij den kaue_te / tussche_ aernt heyn-e neue_ soen / en_ jacob me_sen soens kind_e @ alinch mit all oren toe~behore_ / alsoe als ich her Gher_ kirch_e voirs_ die ghecocht hebbe theghen henrijc van + der horst / en_ die mit ore_ gelde betaelt hebbe alsoe @ dat sij noch oer erue_ daer gheen aensprake meer aen hebben en soelen jn voirworden soe wie een kirch_e is deer voirg_ kircke_ / dat hij alle weke doen sall off @ late_ doen voir een ewich testame_t . van ene_ prijster die in die voirg_ kircke niet berent en is / alle donredaghe ene misse van den heilighe_ sac_mente . Ende @ alle saterdaghe ene misse voir alle ghelouighe zielen toe eenre vroemissen / voirt tot elker maent mit eenre vigilien en_ me_orien toe doen voir oen en_ voir @ ore aeld_en ziele jn voirwerden weert sake dat dese voirg_ missen en_ vigilien van + den voirg_ kirch_e niet ghedaen en wurde_ noch doen en liet als voirs_ steet @ Soe solen die kirchmeist_ der voirg_ kircke_ die rente_ van + de_ voirg_ teende_ en_ hofstede_ hebben vn_ boren / vnde soelen mitt_ eenre helfte dat heilighe sac_ment beluchte_ @ en_ die ander helfte arme_ luede_ jaerlichs schoen mede toe cope_ / thent deer tijt toe dat die voirg_ kirch_e die voirg_ missen en_ vigilien duet / ghelijc voirs_ @ steet All arghelist vitghespraken . jn orconde des soe heb ich gherijt van spalle prijst_ kirch_e voirs_ mijn seghel aen desen brief ghehanghe_ / Ghegheue_ jn @ den ja_e ons h_en duesent drie + hondert acht en_ neghentich / vp Sunte Remigius daghe