Corpus Van Reenen-Mulder (CRM14): Oorkonde L659r37801

JC heinric hollant van hulsen doe koynt en_ keynlic allen luden die desen brief zoelen zien of hoere_ lesen dat ic gheue en_ ghegheue_ hebbe hebbelen jan danmans wijf was drie stucke_ lands in ene_ erf~pacht die gheleghen siin tot sente aechten dat is te wete_ dat een stuc lands after den tyghel~ouen en_ tusghen erue des here_ van kuyc aen beyde_ siden dat doerde stuc lands dat is gheleghen in + den nedere_ velde en_ schyete_de op die tyghelculen en_ oec gheleghen beneue_ erue des voerghenoemde_ h_en van kuyc en_ metter ander siden beneue_ ene_ ghemeyne_ graue voer dertien vaet roggen siaers kuyxgher mate_ en_ dertien vaet gherste_ der voers_ maten die sy my daer iaerlix vyt gheldende is voert gheloeue ic heinric hollant voers_ hebbelen voers_ en_ hoere_ erue_ dese voers_ erfenisse te weren voer my en_ voer miin erfgename_ en_ voer alle die ghene dies te_ recht come_ willen voert sal my hebbel voers_ of hoer erfgheme_ desen voers_ rog en_ gherst betalen alle iaer op sente m_tens dach des byscobs in + den wint_ en_ al arghelist en_ nye vonde vyt~ghenome_ en_ want jc heinric hollant voers_ wil dat dese voers_ pu_ten hebbelen voers_ en_ hoere_ erue_ vast en_ stede soelen wesen en_ in orcu_de der waerheyt so heb jc myne_ zeghel aen desen apene_ brief ghehanghen Ghegheue_ jnt jaer ons h_en dusent drie + hondert tsoeuentich en_ acht op ons_ vrouwe_ auont purificat_o