Corpus Van Reenen-Mulder (CRM14): Oorkonde L660r39001

Kont ende kinlic sy alle den ghonen die desen brief solen sien off hoeren lesen dat ich peter Ronghe gegeuen heib ende gheue voer my ende voir mijn hulper ende knechten den gaedshuse van postel oeren hauen oeren molen ende hoeren pechteren ende ondersaten ende alle den ghenen die oer haeue bouwen ende op oeren molem malen een gude ganse stede swaen ende seker en_ ghelaue in gude_ trouwen ende in rechter eedstat dese voirs_ swaen vast stede en_ onverbrekelic te halden en_ in orkunde des want ich peter vurs_ gene_ segel en heib soe heib ich gebeden johan heer van meghen ende tot haeps ende johan van berenbruec dat sy dese vurs_ swaen na innehalt dis briefs op my besegelen willen . en_ wij johan heer van megen ende tot haeps en_ johan van berenbruec om beden wil peter rongen vurs_ heibben wij onsen segel aen desen brief gehangen Gegeuen jnt jaer ons heren dusent drie + hondert ende tnegentich in vigilia purificat_o_is b_te marie virg_