Corpus Van Reenen-Mulder (CRM14): Oorkonde L678r38901

WJ Jacop die sas en_ Jan wouters soen scepen in huesden tughen onder onse seghele dat wouter willem scuts soen verteech op alsolke twee marghen lants alse jan van + den kerchoue liggende hadde in + den ba_ne van herpt in + den bolke tot wouter smeeds / behoef alse hem en~gheen rechte daer aen te behouden en_ gheloefde hem hedde hi e_nighen co_mer daer op ghemaect met hande of met monde dat hi hem dien co_mer af soude doen in dir manieren dat wouter die smid voersc_ue_ ghelden sal alsolke drie pont pe_ni_ge siaers alse peter van + den hecke liggende heeft op alsolke twee marghen lants alse jan van + den kerchoue liggende hadde in + den ba_ne van herpt in + den bolke en_ op alsolke viere hont lants alse jan van + den kerchoue liggende hadde op die wet_ingen mede js ons scepen_ voersc_uen condich dat wi ene_ scepen_~brief ghesien hebben die ghemaect waert int jaer ons h_en doe + men screef dertien + hondert en_ neghen en_ tachtentich opten veertiende_ dach in aprille daer wouter willem scuts soen met coepe van rechte in comen js voer peters van + den hecke verseten tiins in alsolke twee marghen lants alse jan van + den kerchoue liggende hadde in + den ba_ne van herpt in + de_ bolke en_ in alsolke viere hont lants alse jan van + den kerchoue voersc_ue_ liggende hadde op die wet_ingen des hem die heer van + den lande een waer ghewiist js alsoe verre alse die scepen wisere daer ouer waren ent gheen leen en was en mochte yemant met enen rechte wederzeggen behoudeliken peter van + den hecke siins tiins ent en~yegheliken siins voertiins Ghegheuen int jaer ons h_en dertien + hondert en_ neghen en_ tachtentich opten viiftienden dach in meye -