Corpus Van Reenen-Mulder (CRM14): Oorkonde L700r38501

Wij Ghijsbrecht van + den Sande Ende peter van + den ghasthuyse / Scepenen Jn Sent~Oden~Rode Doen cont Enyegheliken Dat voir ons comen Sijn Philips ghenen soen was van Gherwen Peter Ende Gherart Sijn z˚ene / Ende hebben wittelijc vercocht / Janne van Rode / wittich soe_ wilen wouters die + men hiet Jan belen soens soe_ wilnere / Twee mudde rogghen Jaerlijcs ende erfelijcs pachts / Der maten van Rode alle Jaren op onser vrouwen lichtmysdach / te + ghelden erfelijc ende te + betalen / Ute enen beemde die gheheyten is die vonderRijt Gheleghen Jn + die prochie van Gherwen / neuen erfenisse aen deen Side des vercopers voirs_ Ende aen dander Side neuen die ghemeynt / als Sij Seden Jtem vte enen beemde die gheheyten is die Roesdonc Gheleghen Jn die voirg_ prochie / neuen erfenisse aen deen Side / des heylichs Gheests van + den bosch / Ende metter ander Siden / neuen erfenisse / des Selfs vercopers voirs_ / Streckende metten enen eynde / aen erfenisse egghels van N˚enrebeke Ende metten andere_ eynde / aen des Selfs egghels erue voirg_ / als Sij seden / Jtem vte Enen Stuc lands / Gheheyten die hofstat / gheleghen oec Jn + die voirs_ prochie van Gherwe_ / neuen erfenisse / ae_ deen Side Goeswijn Roefs zoe_ / En_ aen dander Side / neuen Enen ghemeyne_ bercwech / als Sij seden / Jtem ende noch vte enen Stuc lans Gheleghen jn + die voirg_ prochie / aen deen Side gheleghen neuen die ghemeynt Ende ane dander Side neuen erfenisse Datten Goede ten alffen + soen toe~hoert / als Sij seden / Jtem Ende vte der beternisse van + den Goede ten alffen + soen voirs_ Dat is te weten / Soe wat dat tat Goet beter is Dan / acht pont Goeds Jaerghels Ende vijf pont jaerghels Ghemeyns payments / die + men Jaerlijcs voir / vte_ voirg_ Goede Sculdich was te + ghelden / als Sij Seden Ende dese voirs_ Philips Ghenen soen Peter Ende Gherart Sijn wittighe S˚ene voirg_ / hebben Gheloeft op hon ende op allen h˚er g˚ede_ / Den voirs_ Jan coper Dese voirg_ twe mudde rogghe_ erfpachts / Jn dese voirs_ onderpande te vrien ende te + weren / als + men erue met Recht Sculdich is te weren Bezeghelt met onsen zeghelen Ghegeuen Jnt iaer ons heren Doe + men Screef dusent drie + hondert tachtentich ende viue / opte_ naeste_ Sondach nae dertyendach