Corpus Van Reenen-Mulder (CRM14): Oorkonde L700r40001

Cont ende kenlijc sij allen luden die dese tseghewordighe l_ren zien zullen en_ hueren lesen / Dat voer my Louijs van Rijsinghen Persoen tot vechghel en_ voer anders vele goeder liede hier nae ghescreuen comen sijn / vijf scepene_ van Sent~Oden~Rode / Dat js te weten Jan van Rijsinghen / Euerart va_acht / Jan van + den auden~h˚ys / Rutgher van + der brugghen / en_ merten die Rode / en_ toenden my der vr?heyt boeke van Sent~Oden~Rode / Biddende my erstelijc / want hon Co_merlijc were / en_ p_?lose / Dat voers_ boec buten jn andere_ + steden te v_ueren of te brenghen / Dat jc Een Clausule die daer jn ghescreuen stont zien en_ lesen woude / en_ die vytscriuen en_ Copieren woude / en_ die met myne_ + zegel hon vyt hande Bezeghele_ + woude want hon des noet were / op dese tijt / die in andere_ + steden te toenen / En_ want jc louijs voers_ die voers_ Clausule jn + den voers_ boeke ghesien En_ ghelesen hebbe / Soe heb ic o_me beden wille der voers_ scepene_ + van Rode / die selue Clausule vytghescreuen en_ ghecopieert / en_ met her willem moerken prijster en_ Notarijs / daer af Collacij ghemaect / welc Clausule voers_ begrijpt en_ jn~helt van worde te worde als hier nae ghescreuen steet (onleesbaar) (onleesbaar) (onleesbaar) Dese dinghen sijn ghesciet / op dese? tijt voers_ voer Ghijsbrecht die + me_ + he_t beertken van + den velde Rutghere van + de_ hout Jan va_ + den broke / henric van Rijsinghen / herman p?lser Reyner van Eerscot / en_ arnt loyen soen / Scepene_ + van Rode tot diere tijt / Jn orkonde des Soe heb ic Louijs voers_ / minen zegel hier aen ghehanghen / hier waren bij / en_ tieghenwerdich Gheerlec van Erpe / Jan van + den broke / Jan van + der weteringhen / en_ anders vele wittegher ghetughen / Ghegheuen tot Sent~Oden~Rode / op Sente steuens dach Jnt Jaer ons here_ Dusent en_ vier + hondert