Corpus Van Reenen-Mulder (CRM14): Oorkonde L724r34201

. . Wi jhan happen soen was ende Herman die smit Scepene in Oerle tughen dat voer ons is comen jhan jhans soen gheheiten culu? van mirde en_ heeft ghegheuen en_ op~ghedraghen den Goeds~huyse van Postele . een mudde roghs jaerlijcs pachts dat jhan voerseit ghecocht heeft en_ ghecreghen tieghen jhanne Ghiselbrechts soen was van hokastelre / en_ die brieue beseghelt daer op met der scepene seghele van Oerle / en_ met allen dien vorwarden die die brief begrijpt / een mudde roghs erflijcs pachts dat jhan voerseit ghecocht heeft en_ ghecreghen tieghen herren Herman den p_soen der kerken van Cnechtsel / met dien brieue die jhan voerseit daer op heeft ouer~gheleuert den Goeds~huyse van postele voerseit / en_ met allen dien vorwairden dat die brief begrijpt / dien die scepene van oerle daer op beseghelt hebbe_ / En_ dertich scillinghe erfliker reynten / die jhan voerseit ghecocht heeft en_ ghecreghen tieghen heinrics mertens soen was van Oerle / met dien brieue die jhan voerseit ouer~gheleuert heeft den goeds~huyse van Postele die beseghelt sijn met der Scepene seghele van Oerle daer op / en_ met allen dien vorwairden die die brief begrijpt / En_ een mudde erflijcs pachts die? (onleesbaar) jhanne voerseit erflike sculdich is (onleesbaar) (onleesbaar) (onleesbaar) op onser vrouwen lichrt~misse ? dien erue ? gheleghen is bi die ? tot Oerle dat jhan huysmans had gheweist en_ dat Elyaes ? soen sijn broder noch haudende is / En_ een mudde roghs erflijcs pachts die jhan van der odenbraken va_ ledrop alle j? erflike sculdich is te ghelden op onser vrouwen licht~misse / ute seuen lopen saet~lands gheleghe_ voer d? huyse ter odenbraken / ute den twe delen van den boenren gheleghe_ in die haemsdonc / die jhans (onleesbaar) der odenbrake_ / ute ene_ bemtken gheleghe_ tot werden voer die ? / dat jhans is voerseit / en_ ute ene_ ?nde die jhans is va_ der odenbrake_ gheleghe_ neuen tgoere dat hoert tot den goede tot meersel / en_ een ?nt ghelds als in borsen gheet / dat heinric va_ den jnde va_ someren erflike alle jaer sculdich is te ghelden ute alle dien erue eist ecker~lant sijnt bemde dat heinric voerseit verstorue_ en_ bleue_ is va_ sijne_ vader / En_ jha? jhans culuts soen voers_ heeft v_teghen op desen voersprokenen rogghe en_ op dat voersproken ghelt erfliker rey?en tot behoef Sgoeds~huys va_ postele / En_ heeft gheloeft op ho_ en_ op alle sijn goet / dien rogghe en_ dat ghelt te weren jn die onderpande die die brieue begripen die hi ouer~gheleuert heeft en_ in die onderpande die hi voer ghenoemt heeft / als men erue sculdich is te weren en_ alle voerco_mer af te doene / jn welker dinghe ghetuchenisse wi hebben onse seghele aen dese lett_en ghedaen Ghegheue_ jnt jaer ons h_en dusent dri + hondert veirtich en_ twe / vieue en_ twintich daghe jn sprockelle - - -