Corpus Van Reenen-Mulder (CRM14): Oorkonde L724r34501

Wi jhan happen zone was En_ jhan van + der meer van Cnechtsel Scepen in Oerle tughen onder onse Seghele dat voer ons is comen kateline jhan lilmans dochter was En_ heeft ghegheuen en_ gheliet en_ ghekent dat si ghegheue_ heeft den goedhuze van postel in ene_ erfliken Recht voer haer voer haer erfghename na haer en_ voer haer nacomelinghe een stuck lands gheheiten die hoghe~ecker gheleghen beneue_ wouters colen zoens erue in die prochie van zeelst also verre alst kateline_ voerseit toebehoert En_ seuen Peinni_ghe erf~tijns auds ghelts die haer marcelijs van den beke~ecker jaerlijcs ghilt mit vorwarden dat die vierde + haluen peinni_ghe erf~tijns die kateline voerseit den goedhuze van postel voerseit jaerlijcs ghilt quijt solen wesen en_ vergouden ouermids dese vorwarden voerscreuen / Ghegheuen jnt jaer ons heren doe men screyf dusent dri + hondert veirtich en_ viue op den acht en_ tweintichsten dach van Meye - - -