Corpus Van Reenen-Mulder (CRM14): Oorkonde L724r34701

Wi herman die smyt gheheiten der kynd_e en_ jhan Tylen zoe_ was van der meer van knechtsel scepene in Oerle tughen dat en doen cont en jgheliken myt kynnisse der waerheit dat in onser tieghewerdichheit comen sijn die meester ocht P_uisoer sgoetshuses van postula en_ woutgher gheheiten die jonghe en_ hebben onderlinghen malc op and_en verteghen van allen zaken die si onder hon ghaende hadden tot desen dinghe toe eist van lande eist van scapen . Voertmeer heeft die P_uisoer sgoetshuses van postel voerghescreue_ ghegheue_ tot enen erfpacht den voer~ghenoemden wout_en twe stucken lants gheheiten die Tybouts stucken gheleghen in der prochien van Oerle bi Goeswijns passmants bosch En_ alle alsulken Erue als hi woutgher voerseit op desen (onleesbaar) houdende is van Maese van den hoeue . Sonder vte~ghenome_ shelneers lant van Postel . Ouer een half mudde gheefs rogghen der maten van Oerle alle iaer erflike en_ e_mermeer op onser v_uwen misse van haerre Purificacie_ gheheiten synte marien lichtmisse te betalen en_ te ghelden En_ in orconscap deser dinghe hebben wi onse seghele aen desen tieghewerdighen litt_en doen hanghen Ghegheue_ int iaer ons h_en gheboert Dusent dri + hondert veirtich en_ seuene op den twe en_ twyntichsten dach in Mey~maent . .