Corpus Van Reenen-Mulder (CRM14): Oorkonde L724r34802

Luetgart die (onleesbaar) was heinrics (onleesbaar) . en_ Margarite haer dochter mit haren mombore_ die hon die Richt_ gaf mit vonnisse der Scepene_ . En_ arnt luetgarden soen voerscreue_ . hebben vercoft ghesamender hant . lijsbetten mertens dochter was van Oerle . Een huys en_ ene_ hof mit alle_ hare_ t˚ebehoerten gheleghen in Oerle mit der eenre siden bi laurens scupparts erue . en_ mit der anderre siden bi metten pepers erue . En_ luetgart en_ margarite mit haren mombore_ en_ arnt voerghenoemt hebben gheloeft ghesamender hant en_ onghescheiden als saicwelder op hon en_ op alle haer goit . der vorseider ? dat huis en_ dien hof mit allen haren t˚ebehoerten voerscreue_ . te were_ als men erue mit den (onleesbaar) sculdich is te weren . En_ alle voerco_mer af te doen sonder der h_en tsijns . jn welker ding ghetuechghenisse . hebben wi jhan Tilen soen was van der meer . En_ herman die smyt gheheiten der kinder . . Scepene in Oerle ons seghele als orconde an desen lett_en doen hanghen . Ghegheue_ int iaer ons h_en gheboert . Dusent + . drie + hondert + . veirtich en_ achte op den and_en dach in aprille~maent . .