Corpus Van Reenen-Mulder (CRM14): Oorkonde L724r34804

. . Wi ihan Tilen soen van der meer van Cnechtsel . en_ herman die smyt gheheiten der kind_e . . Scepene in Oerle tughen dat voer ons comen is . Ghiselbrechte . Meus soen van vessem / en_ heeft ghegheue_ en_ op~ghedraghen . jhan Culits soen gheheiten die meest_e van den houe van Oerle . alsulken twellef scillinghe payments iaerlijcs tsijns als hi ghecoft heeft tieghen wout_en den weu_ van Elichem ghelikerwijs en_ in alle der formen dat der Scepene_~lett__en van Oerle daer op ghemaect beg_pen . die ghiselbrecht voerseit den selue_ ihan Culits soen / ouer~ghegheue_ heeft voer ons . En_ dat ghiselbrecht . ihan / heeft doen houen en_ eruen daer in / alsoe als ghewoenlijc en_ Recht is . En_ heeft daer op verteghen helmelinghe t˚t eweliken daghen . t˚t sijne_ behoef . jn welker ding orconscap en_ kennisse hebben wi ons seghele an den tieghewerdighen lett_en doen hanghen . Ghegheue_ int iaer ons h_en gheboert . Dusent + . drie + hondert veirtich en_ achte . op sente peters en_ pauels dach die apostolen . . .