Corpus Van Reenen-Mulder (CRM14): Oorkonde L724r35101

Wi jhan van der meer va_ knechtsel / En_ herma_ die smyt Scepe_ in oerle / tughen / dat voer ons comen sijn wouter en_ heinric sijn broeder heinrics kinder ware_ van de_ kerchoue van steensel / En_ elyaes van eyke wouters swagher en_ heinrics voerseyt / voer hon / En_ mechtilt heinrics wijf was van den kerchoue van steensel / en_ gheertruut / katherine / en_ margariete hoer dochtere_ met hoere_ momboer die hon die richter gaf met vo_nisse der Scepen / en_ hebben vercoft / ghel?t / en_ ghekent dat si ghesamender hant vercoft hebbe_ in ene_ erfeliken recht / voer hon / en_ voer hoer erfghename_ nae hon broeder arnde den ondermeester va_ postel tot behoef des goeds~huys van postel Ene_ beempt met allen sine_ toebehoerten die heinrics van den kerchoue te wesen plach gheheyte_ die roede~laet / streckende met ene_ ende aen een water gheheyten dje do_mel En_ met den anderen ende streckende aen des douen~dyke / En_ wouter heinric en_ elyaes voerseyde voer hon / En_ mechtilt / gheertruut / katherine en_ margariete voerseyt met hoere_ voerseyde_ momboer hebbe_ den voerseyde_ broeder arnde / tot behoef des voerseyde goeds~huys van postel doen houe_ en_ erue_ in dese_ voerseyde_ beempt met allen sine_ toebehoerten / als ghewoenlijc en_ recht is in tijns~goet / Voertmeer hebbe_ wouter heinric en_ elyaes voerseyde / voer hon / en_ mechtilt / gheertruut / katherine / en_ margariete / met hoere_ momboer voerseyt / gheloeft ghesamender hant / en_ onghesceyden / op hon / en_ op hoer goet den voerseyde_ broeder arnde / tot behoef des voerseyde goeds~huys van postel / desen voerseyden beempt met alle_ sine_ toebehoerte_ te were_ als men erue met recht sculdich is te weren / En_ alle_ voerco_mer af te doen / sonder / der heren tijns van den gronde / Ghegheue_ onder onsen Seghele_ / in den jaer ons here_ gheboert / doe men screef / dusent drie + hondert + / vijftich + / en_ ene / op den neghentienden dach in aprille~maent .