Corpus Van Reenen-Mulder (CRM14): Oorkonde L724r35201

Wi ihan van der mere van knechtsel / En_ herman die smyt scepene in oerle tughen @ onder onse seghele dat voer ons comen sijn ihan gheheyte_ van vinkel voer hom / en_ @ katherine van vinkel met hoere_ momboer die hoer die richter gaf met vonnisse der scepene / en_ hebbe_ erfelike vercoft voer hon en_ voer hoer erfghename_ @ nae hon / ihan agnesen ma_ne van der smede~broec tot sine_ behoef / en_ sijnre @ erfghename_ nae hom / een beemdeken met alle_ sine_ toebehoerte_ gheleghen in @ der prochghien van zonderwijc aen den heyde~berg bi heinrics erue van beerse van eenre siden / en_ ihans gheheyte_ lappers erue van der anderre siden / En_ dat @ ihan van vinkel voerseyt voer hom / en_ katherine met hoere_ momboer voerseyt @ hebbe_ gheloeft ghesamender hant op hon en_ op hoer goet / ihan agnesen man @ voerseyt / en_ sine_ erfghename_ nae hom / dit voerseyde beemdeke_ met alle_ sine_ @ toebehoerte_ te were_ / als men erue met recht sculdich is te were_ / En_ alle_ @ voerco_mer af te doen / sonder der here_ tijns van den gronde / Ghegheue_ in @ den iaer ons here_ / als men screef Dusent / + drie + hondert vijftich en_ twe op den @ vijften dach in sporkelle maent