Corpus Van Reenen-Mulder (CRM14): Oorkonde L724r35301

Wi ihan van der mere van knechtsel / En_ herman die Smyt Scepene in Oerle tughe_ onder onse Seghelen / dat voer ons come_ is marselius gheheyten van den cranen~poel / en_ heeft erfelike vercoft voer hom / en_ voer sijn erfghename_ nae hom / ihan gheheyte_ culoets zoen va_ mierde / tot sine_ behoef / en_ sijnre erfghename_ nae hom / Een pont goeds payments syaers / alle iaer erflike en_ o_mermeer / op onser vrouwe_ licht~misse als men kersen bornt te ghelden / En_ te betale_ ellics iaers in alsolkene_ payment als dan op den paydach ghenghe / en_ gheue wesen sal En_ te heffen / en_ te boere_ vte al alsolkene_ erue / als marselius voers_ ligghende heeft binne_ der prochghien van knechtsel / eest huys / eest hof / oft soe wat erue dat is / eest in diepe_ gheleghe_ oft in droeghe_ En_ dat marselius voerseyt heeft gheloeft op hom / en_ op sijn goet / ihan voerseyt / en_ sine_ erfghename_ nae hom / dit voerseyde pont syaers te were_ als men erue / met recht sculdich is te were_ / En_ alle voerco_mer af te doen / Ghegheue_ in den iaer ons here_ als men screef / Dusent + / drie + hondert vijftich en_ drie / op den d?rden dach nae sente iacops dach apostels gheleghen .