Corpus Van Reenen-Mulder (CRM14): Oorkonde L724r35402

Wi ihan van der mere van knechtsel / en_ herman die Smyt Scepene in oerle tughen onder onse Seghelen / dat voer ons come_ is Peter ihans gheheyten naghels zoen was / en_ heeft alsolken achtyen loepen rogghe_ der maten van oerle syaers / als hom godeuart godeuards gheheyte_ str?kens zoen gheldende was / op onser vrouwen licht~misse / als men kersen bornt / vte alsolkene_ erue als peter voerseyt verkreghen hadde van den goede van eynde gheleghen in der prochien va_ oerle gheliker wijs als der Scepene~lettere_ van oerle begripen / die daer op ghemaect sijn / erfelike ghegheue_ / met al den brieue_ / en_ rechten die hi daer af hadde / en_ op~ghedraghen voer hem / en_ voer sijn erfghenamen nae hom / ihan ihans gheheyte_ culoets zoen was van mierde / tot sine_ behoef / sijnre erfghename_ nae hom En_ dat peter voers_ daer halmelinghe op verteghen heeft tot eweliken daghen / als tot behoef ihans voerseyt / en_ sijnre erfghename_ nae hom / En_ dat peter voerseyt / den voerseyden ihan heeft doen houen / en_ erue_ / in desen voerseyden erf~pacht / in alle maniere_ als ghewoenlijc en_ recht is in tsijns~goet / En_ dat hi voert gheloeft heeft / op hom / en_ op sijn goet den voerseyden ihan / dese achtyen loepen rogghen syaers voerseyt te weren als men erue met recht sculdich is te weren / en_ alle voerco_mer af te doen / Ghegheuen in den iaer ons heren als men screef dusent drie + hondert vijftich en_ + vier / op den sestienden dach in Maerte