Corpus Van Reenen-Mulder (CRM14): Oorkonde L724r35403

Wi ihan van der mere van knechtsel / En_ herman die Smyt gheheyten der kindere Scepene in oerle tughen onder onse Seghelen / dat voer ons come_ is ihan ihans gheheyten Culoets zoen van myerde / en_ heeft alle dese nae~ghescreue_ erfenisse met allen vorwarden / met allen brieue_ / En_ met allen rechten / daer hi die mede hadde / ouer~ghegheue_ / en_ erfeliken op~ghedraghen / voer hom en_ voer sijn erfghename_ nae hom / den prouisoere des goeds~huys van postel / tot behoef des selue_ goeds~huys / dat is te weten Twe mudde rogghen / der maten van oerle syaers / die men den voerseyde_ ihan iaerlijcs gheldende was vte ene_ derdele van ene_ erue gheleghe_ te zutart in die prochie van oerle / dat wouter didderics van den eynde / met sine_ wiue verkreghen hadde / achtien loepen rogghen / der voerseyder mate_ syaers die ihan voerseyt van peteren ihans gheheyten naghels zoen was verkreghen heeft / en_ die men iaerlijcs gheldende is vte erue in der voerseyder prochien gheleghen dat tot den goede ten eynde te behoere_ plach . Veertyen loepe_ en_ een half vaet rogghen der voerseyder maten syaers die ihan voerseyt van gherarde (onleesbaar) zoene van zutart verkreghen heeft aen alsolkene_ pacht~goede als jutten heinrics gheheyten (onleesbaar) dochter van zutart te wesen plach Twe mudde rogghen der voerseyder maten syaers die ihan voerseyt van heren herman den p_soen van knechtsel was verkreghen hadde aen die beteringhe van des voerscreue_ here_ hermans alinghen goede / gheleghen te wolfhouen in der prochien van knechtsel / Drie en_ twentich loepen rogghen der voerseyder maten syaers / die ihan voerseyt van herman des voerscreue_ hermans zoen was verkreghen hadde aen den voer~ghenoemden goede / te wolfhoue_ voerseyt gheleghen Veertyen loepen rogghen der voerseyder maten syaers die ihan voerseyt van woutghere_ den Smede van oerle in wisselinghen verkreghen hadde / En_ die men iaerlijcs gheldende is / vte here_ hermans goede van knechtsel was voerseyt te wolfhoue_ gheleghen / Een mudde rogghen der voerseyder maten syaers dat men den voerseyden ihan iaerlijcs gheldende was / als hi seyde vte der helfte van wouters gheheyte_ elyards goede en_ vte ene_ huse en_ houe tusscen iordaens erue van oerle gheleghen Een half mudde rogghen der voerseyder maten syaers die men den voerseyden ihan iaerlijcs gheldende was als hi seyde / vte willems gheheyten hout~appels hof / gheleghen bi die ?~putten tusscen ihans sgr˚ne_ erue / en_ wreynse_ erue van oerle / Een pont payments syaers / dat ihan voers_ van marselius van den Cranen~poel verkreghen heeft aen alle den goede dat marselius voerseyt hadde in die prochien van knechtsel voerseyt En_ twelf Scillinghe payments syaers die ihan voerseyt van Ghiselbrechte Meus zoen was van vessem verkreghen hadde aen ene_ huse / en_ aen ene_ houe / en_ aen al alsolkene_ erue als wouter die weuer / En_ conagont sijn wijf was te~samen haudende waren in die prochie van oerle voerscreue_ En_ dit is al te verstaen gheliker wijs als der . Scepene~lettere_ / en_ alle vorwarden begripe_ en_ in~hebbe_ die daer op ghemaect sijn En_ dat ihan voerseyt halmelinghe verteghen heeft tot ewelike_ daghen / tot behoef des voerseyde Goeds~huys van Postel / op alle dese voerscreue_ erfenisse / op alle vorwarden / op alle brieue / en_ op alle rechten die hi daer af hadde / En_ dat ihan voers_ voert gheloeft heeft op hom en_ op sijn goet / den voerseyde_ prouisoere / tot behoef des voers_ goeds~huys alle dese voerscreue_ erfenisse / met alle vorwarde_ brieue_ en_ rechte_ voerseyt te were_ / als men erue met recht sculdich is te weren / en_ alle voerco_mer af te doen / Ghegheue_ in den iaer van der gheboert ons here_ als men screef / Dusent drie + hondert vijftich en_ vier op sente peters dach / dat hi ghehanghen was .