Corpus Van Reenen-Mulder (CRM14): Oorkonde L724r37101

. . Wij Jan van + der meer van knechsel / en_ / bartholomeus die melter . . scepene in Oerle tugen @ onder onse segelen / dat vor ons siin coemen / Arke ghiseb_chts Jordaens docht_ was van strathen heilwijch / en_ Jutte hoere docht_e met ho_en monbo_e die hon die richt_ gaf met vo_nisse d_ scepe-nen / en_ wout_ der vors_ arken zoe_ / die sie hadde bij Ja_ne wout_s soen was van + d_ meer / en_ heb-ben erfleken v_cocht / vor hon / ende vor ho_en erfgh_amen na hon / Janne geheiten zuerincs / ghodeuarts z˚erincs soe_ was / en_ sine_ erfgh_ame_ na he_ / die helfte van enen beemde geheite_ @ die haghe met sine_ tobehorten / die des vors_ wout_s van + d_ meer / en_ Jutten sij_s wijfs te + wesen @ plach / ghelege_ in + d_ p_chie va_ sonderwijc / an des vors_ Ja_s z˚erincs erue dat Ja_s van + den sta-ken was met eenre siden / an Jans erue van + de_ broeke / en_ an claus gherits kinder erue dat @ van + den vors_ beemde ghedeylt is mett_ and_re siden / En_ dat die vors_ Arke / heilwijch / en_ Jutte ho_e dochtere met ho_en monbo_e en_ / wout_ hoer zoe_ vorscr_ hebben gheloeft / op hon / en_ op @ hoer goet / Ja_ne z˚eri_cs vors_ / en_ sine_ erfgh_amen / na he_ / die helfte van + den vors_ beemde te @ w_en / als + me_ erue sculdich is te + w_en / en_ alle vorko_mer af + te + doen / sonder d_ heren tsijns / En_ dat die vors_ Arke / heilwijch / en_ Jutte met ho_en mo_boer / en_ wout_ hoer zoe_ vorscr_ @ hebben gheloeft / op hon / en_ op hoer goet vorscr_ dat sie katherine hoer sust_ d_ vors_ Arken docht_ als sie tot ho_en mondeghen is coeme_ op die vors_ helfte van + den vors_ bee_de @ en_ op alle recht dat sie daer heeft aen / oft hebben mach / met ho_en monbo_e soele_ helmeli_ge doen v_tien tot behoef Jans zuerincs vorscr_ / Gegheue_ int iaer ons h_en @ gheboert / Dusent + / drie + hondert / + tseuentich + / en_ een / op den seuenste_ dach i_ Janua_io . .