Corpus Van Reenen-Mulder (CRM14): Oorkonde L724r37301

Wij gheraert here van boutershem / doen cont ende kenlec allen den ghenen die desen brief soelen sien ende h? lesen dat wi met goeder deliberacien daer op ghehadt ende met voersinneghen zinne puerlec omme onsen here god hebben ghegheuen ende gheuen met desen ieghenwerdeghen l_ren den goedhuyse van postele toet eweliken daghen te houden te hebben ende te besitten ende horen vrien wille mede te doen Alsoelke wiere alse wi houdende sijn op kempelant ende wij vercreghen hebben in eyghenen goede / Dats te wetene dien wiere die leghet bedes zide Eersele die wilen was (onleesbaar) van dommellen / Ende den groten wiere toet Orle gheleghen Dien wi vercreghen jeghen h_en jan van + den plas (onleesbaar) (onleesbaar) wiere ghelijc dat + se daer gheleghen sijn daer vertien wi op alles rechts des wi daer ane hadden voer ons voer onse (onleesbaar) ende voer onse nacomelinghe toet des goedshuus behoef voerseit behoudelec dien dat die goede lude van postele ons ?lecs seinden soelen vier + hondert carperen gheleuert toet onsen huus ter heyden alsoe langhe als wi leuen soelen ende ver margriete vrouwe van ? en_ van bout_shem onse lieue ghesellinne Ocht eneghe_ van ons beiden die langste leuen sal Ende o_me~dat wi willen ende begheren dat dese voers_ gichten en_ vorwarden den voers_ goedshuse vaste en_ ghestade ghehouden bliuen sonder breken / soe hebben . wi . gheraert voerscreue_ desen brief bezeghelt met onsen prop_en zeghele in kennissen der waerheit / Ende o_me die meerre veeste en_ zekerheit hier af te doen soe hebben wi ghebeden en_ bidden onsen lieuen en_ gheminden neue h_en heinric van + der meeren Gielijs camus van bossute en_ jan van + den nuwenhoeue voers_ / Omme die bede ent beuelen ons liefs en_ gheminds h_en sh_en van bout_shem voerscr_ soe hebben wi desen brief bezeghelt met onsen p_peren zeghelen in ke_nissen der waerheit / Dit was ghedaen jnt jaer ons h_en als ? ? . dusent drie + hondert tseuentich ende drie op sente jans dach baptisten - - - -