Corpus Van Reenen-Mulder (CRM14): Oorkonde L724r37801

Wi Jan dsmeeds va_ zeelst en_ Jan amelijs zoe_ was Scepene in Oerle tughe_ onder onse_ zeghele_ dat voer ons coeme_ @ is / her heinrijc p_soen der kerke_ va_ dusel hem verstoruen is van agnes? sire swegher jans wijf was van den broec op~ghedraghen erfliken en_ ouer~ghegheuen voer hem en_ voer sijn erfghenamen nae hem janne_ jans zoen was van den broec tot sine_ behoef en_ sire erfghenamen nae hem waer en_ hoe dat in der p_chien van zonderwijc gheleghen is En_ dat herman voerscr_ helmelinghen en_ tot eweghen daghen verteghen heeft op dat voers_ erfnisse voer hem en_ voer sijn erfghenamen nae hem tot behoef jans sijns zwaghers voers_ en_ sire erfghenamen nae hem En_ herman voers_ heeft gheloeft op he_ en_ op al sijn goet dit voers_ op~draghen en_ vertien vast en_ ghestendich te hauden Ghegheue_ in + den jaer ons heren gheboerte Doe men screef Dusent Drie + hondert en_ tachtentech neghen en twentich daghen in januario