Corpus Van Reenen-Mulder (CRM14): Oorkonde L724r39101

Wij jan die volre amelis soen was . en_ Arnt henr_ keysers soen Scepene jn Oerle tughe_ onder onse seghele_ dat voir ons come_ is jan bartholomeus smelters soen was Ende heeft erfelike_ vercocht voir hom en_ voir sine_ erfghename_ na hom janne jans soen was van + de_ broeke tot sine_ behoef en_ siere erfghename_ behoef nae hom Een vierendele van eenre hofstat ghelege_ aen + der smedebroec jn + der p_chien van sonderwijc . met eenre side_ aen des vors_ jans jans soens erue van + de_ broec . mett_ and_re siden aen gherit coppe_ soens erue . dat woutghers van + de_ broec te + wesen plach . Ende dat die vors_ jan die vercoper heeft gheloeft de_ voirs_ janne den cop_e dese vors_ erfenissen te weren als + me_ erue met recht sculdich is te weren ende alle vorcommer af + te + doe_ die va_ sinen weghe_ dair o_merm__e op come_ mach . Ghegeue_ jn + den jaer ons here_ gheboirt doe me_ screef dusent drie + hondert neghentich en_ ene opte_ tiende_ dach jn sporkelle