Corpus Van Reenen-Mulder (CRM14): Oorkonde L724r39102

Wij Arnt hein_ skeysers soen en_ jan jans soen was van + der meer scepene jn oerle tughe_ onder onse seghelen dat voir ons come_ is henrec mertens soen va_ vessem en_ heeft erfelike_ ghegeue_ jn een erfwisselinge voir hom en_ voir sine_ erfghename_ nae hom bruder gherarde henr_ mathijs soen van roesel kelner va_ postel als tot behoef des goedshuys van postel . Alsulke_ drie lope_ goets en_ gheefs roggen syaers erfs~pachts der gherecht_ mate_ va_ Oerle als hom Peter henr_ pet_ smets soen (onleesbaar) soen (onleesbaar) jaerlics en_ erfelike_ sculdich was te ghelde_ alle jaer op onser vrouwen dach licht~misse als + me_ kersen bernt vte ene_ huse en_ hof met sine_ toebehorte_ dat dese vors_ Peter haudende en_ besittende is Ende dat de_ vors_ henr_ ? soen bleue_ en_ verstorue_ is als hi sede van Elysa? sijnre suster was . en_ dat dese selue Elysa? ver? hadde tege_ luytgarde_ die sust_ was henr_ kemerl? en_ Margriete_ hore docht_ ende hore_ momb? (onleesbaar) ?ghen Arnde luytgarde_ soen ghelege_ binne_ Oerle met eenre siden neven jacop (onleesbaar) (onleesbaar) en_ mett_ and_re siden aen mechtilde_ pepers erue te wese_ plach Om alsulke_ Sestien scillinge payments syaers ? dese vors_ henr_ mertens de_ vors_ goetshuse va_ postel jaerlics gheldende was . Ende dat dese vors_ henr_ mertens heeft gheloeft op hom en_ op sijn goet de_ vorscr_ bruder gherarde_ als tot behoef des goetshuys van postel vors_ Dese vorseide Drie lope_ roggen syaers te were_ als + me_ erue sculdich is te weren . Ende alle_ vorco_mer af te doe_ die va_ sine_ wegen dair o_mermeer op come_ mach . Ghegheue_ jn + de_ jaer ons heren gheboirt doe + me_ screef dusent drie + hondert neghentich en_ Ene opten Dertiende_ dach jn + den Merte