Corpus Van Reenen-Mulder (CRM14): Oorkonde L728r35301

Wi willem roefs zoen was / En_ merten die vleyschouwer Scepene in Endoue_ tughe_ onder onse @ Seghele / dat voer ons come_ is jonfrouwe beatrijs ihans gheheyte_ comans suster was / En_ @ maechghelams wijf was van vtricht / als si seyde / met hoere_ momboer / die hoer die richter gaf met vo_nisse der Scepene / en_ heeft erfelike ghegheue_ / en_ op~ghedraghe_ voer hoer @ en_ voer hoer erfghename_ nae hoer / Ghisebrechte hoere_ zoene / die si en_ maechghelam hoer @ man was voerseyt te~same_ hadden / als si seyde / tot sine_ behoef en_ sijnre erfghenamen @ nae hom / alsolken acht pont syaers / als ihan gheheyte_ coman was voerseyt ghecoft hadde / en_ verkreghen teghen arnde arnds gheheyte_ bollen zoen van weu_e / in erfenisse te @ blaerthem gheleghe_ / ghelijc als der Scepene leuere_ van endoue_ begripe_ die daer op @ ghemaect sijn / En_ dat ionfrouwe beatrijs met hoere_ mo_boer voerseyt / daer halmelinghe op verteghe_ heeft / tot ewelike_ daghe_ / als tot behoef / ghisebrechts hoers zoens voerseyt / en_ sijnre erfghename_ nae hom / Ghegheue_ in den iaer ons here_ / als men screef @ Dusent / + drie + hondert vijftich en_ drie / op den twentichsten dach in Octobri gheheyte_ @ Ruselmaent