Corpus Van Reenen-Mulder (CRM14): Oorkonde L735r34601

Wij Art va_ der beke . Jan van den houel . wille_ smacht . wille_ va_ bakellaer . henric gouke_ . henric va_ der A en_ henric va_ den culen Scepe_ van nunen tughe_ dat voer ons q_ . ja_ . didderic / en_ henric voren heylewighe_ kinder van orle en_ hebbe_ voer,cocht jan en_ wantgheren hessels kindere_ van gherwen een mudde Rogs erflike alle jaer te ghelden op onser vrouwen dach dat + me kersen bernt vte den sesten deel van der erfnisse daer heylewijc haer moeder in voerstarf dat gheleghe_ is i_ die prochij va_ gh_we_ eest i_ dype_ oft i_ droghen / sond_ vte hare_ huse / en_ vte hare_ houe / daer si in voerstarf / voert soe hebben . jan . didderic / en_ henric voerghenoempt gheloeft jan en_ wantghere op h? / en_ op haer goet / dese vors_ erfnisse te + were_ voer dit vors_ mudde rogghe_ / en_ alle voerco_mer temael af te doen sond_ d_ here_ tijns / als + me erue va_ recht sculdich is tewere_ En_ i_ ghetughenisse des_ dinghe_ soe hebbe wij scepe_ va_ nune_ voerghenoemt onse_ ghemeyne_ zeghel ons scepensdoems aen desen litte_n gheha_ghe_ ghegheue_ i_ den jaer d_ ghebort ons h_en / als + m_ screef duse_t drie ho_dert virtich en_ zesse des anders daghes na sente jans dach baptist .