Corpus Van Reenen-Mulder (CRM14): Oorkonde L735r39101

Wij Reyner Ghiben soen jan bubken / henric van + den zande / henric lokeman / jan Conync / en_ jan Gouken / scepenen jn N˚enen / Doen cont enyegheliken / Dat voer ons js comen / Dyrc soen wilen jans Comans soen was van Gherwen / En_ heeft Opghedraghen en_ Ouerghegeuen jacoppe sine_ witteghe_ br˚eder / al sijn recht dat hij hadde oft hebben mocht aen ene_ hoffe gheheyten Luten~hoffe / gheleghe_ jn die p_chie van Gherwen / mett_ eenre siden neuen erfenys Dyrcs voers_ / en_ mett_ ander side_ neue_ die ghemeyne strate / als hij sede / En_ heeft helmelinghe daer op verteghen tot behoef jacops sijns br˚eder voers_ / Voert heeft gheloeft Dyrc voers_ op hom en_ op al sijn g˚ede / Den voers_ jacoppe sine_ br˚eder / Dat voers_ recht dat hij hadde oft hebben mocht aen den voers_ hoffe gheheyte_ luten~hoffe te weren als + men erue sculdich is te weren / Bezeghelt metten ghemeyne_ zeghel ons scependoms van N˚enen / Ghegheuen jnt iaer ons he_en / Dusent drie + hondert tneghentich en_ een / opte_ naesten sondach nae Sente peters en_ Sente pauwels dach der apostele_