Corpus Van Reenen-Mulder (CRM14): Oorkonde L737r31601

Uwi @ jan berthout here van helmont ende lizebeth van + den berghe / vrouwe van helmont onse lieue ghesellinne maken kont al + den ghenen die desen brief Solen zien och horen lesen dat wi gheuen ombe gode in aelmoessen den goetshuse van postel voer ons Ende voer onser vorder Ende onser nakomer zile Tue bosch + mudde rogghen erfleke Ende emmermeer op onsen paghet van onsen korne the elslo the Sente andries + misse the ghilden want heden des daghes onse eighen goet is waer och dat sake dat wine elwaer bewiesden och kochten dese vorghesegde tue bosch mudde rogghen den goetshuse van postel daert seker ware So soude dat ghoet van elslo wesen quite van + den vorghesegden mudden . Ende omdat wi willen dat dese vorghesegde dinc hebbe maght Ende ghestedigheit den goetshuse van postel vor ons Ende vor onse erfghenoetthen So hebbe wi desen brief gheseghelt met onsen propre seghele . Dit was ghemaket Ende ghegheuen jnt iaer ons heren dat men scrief . M + ccc . Ende . sestine en palmezonnedaghs