Corpus Van Reenen-Mulder (CRM14): Oorkonde L737r39401

Wij jan van bueren Ende Adaem de Coninnck , Scepenen van helmont Doen cont allen den ghenen die dese lett_en selen sien of ho_en lesen , dat comen is vore ons in prop_en personen willem van Starkenborghe geheeten voisschot h_ Steuens sone En_ heeft bekent En_ ve? jonffrouwe mechtel van Eijk sijn wijff , dat sij wel_en wittelic hebben toegestaen Ende gheaprobert , alsulcken accorde als wijlen vrauwe weijndel van vden huere moeder aen~gegaen en_ ghemaeckt en_ gh?sloten heeft , den xvij april des jares derthien hondert vijf + en + tachtentich met h_ jan pollart , geheeten Reixstel , meester van postel , aen Ons ghebleeken , Ome eene sek_e somme gelts , daer sij ? vore_ ons wel gepaijt of hebben gehouden van den voersc_ godeshuijs van postel , waer mede den voersc_ willem , sijne Eruen , Ende naeecommelingen , den voersc_ godeshuijs ghelouen om ghemollestert te laten ten Eewighen daeghe_ , waer + en~tou , die voersc_ jonffrouwe mechel van Eijk , ghestelt heeft , tot onderpande En_ vvaerscappe , val al dat voerschreuen staet , allen haere goederen die sij nu heeft , En_ naetmaels soude moghen verchrijghen , bij doode haeren . Oom he_e Roulof van slo voers_ , Ridder heer van vicht , En_ tot meerder versekeringhe soo hebben dit voersc_ willem , En_ jonffrouwe mechel sijn wijf , jn + den accorde veruangen henrick , jan En_ Rijnier van Starkeborgh haerlider kinderen , op~dat Eenen Eewighen vrede mach blijuen , tuschen den voorsc_ godeshuijse , En_ den gheslachte van Starkenborgh , Ende hier toe geschiede alle datter sculdich toe was te geschiene , van gewoenten ende van Rechte , Behoudelic Elkermalken sinen rechte / Jn Orcondscape van desen dingen En_ o_me bede van + den partijen , So hebben wij dese Lett_en beseghelt met onsen segelen , dit was gedaen jnt jaer ons h_en doen + men screef dusent drij + hondert vier + en + tneghentich den vierden maij . - .