Corpus Van Reenen-Mulder (CRM14): Oorkonde L757r34301

Wi briobius van loen / heinric hammans soen was / willem van heirle / jhan jorijs soen was / wouter Godeuarts soen was van Ghinoeuen / Symon van de haghen en_ lambrecht van bruhese Scepene jn waderle en_ jn wedart / tughen / dat voer ons is comen / jhan die moleneer van venberghen en_ heeft ghegheuen en_ opghedraghen / alle sijn goet / broder Art gheheiten Scepene / den onder~meester van Postele tot behoef Sgoeds~huys van Postele / te heffen en_ te hebben na doet jhans moleneers voerseit / jn dier vorwarden / dat men na doet jhans moleneers voerseit / van sijne_ goede_ gheue_ sal / van Sgoedshuys weghen jhans moleneers tween kinderen tien pont / en_ sijns broders tween kinderen van mel tien pont / jn orkonscape ons ghemeyns seghels ons scependoms van waderle en_ van wedart hanghende aen desen letteren / Ghegheuen jn den jaer van ons heren gheboert doe men screyf dusent dri + hondert veirtich en_ drie / des maendaechs naest na sinte Sacraments dach . .