Corpus Van Reenen-Mulder (CRM14): Oorkonde L764r37901

Wij lodewijch van Eyndehouts / Symoen lambrechts soen / jan marien soen / willem van Eyke / didderic die vroede / jan van + den Rode / en_ marcelijs Cyseken Scepene_ in Soem_en / doen cont en + ygheliken dat voer ons sijn comen tot zoemeren in ene_ ghebannen ghedinghe / henric die vroede / en_ didderic van aelst / en_ hebben ghetuecht als scepene_ / mit vo_nisse / en_ mit recht / bij mani_ghen tscoutheyden van pedelant / dat vyel ter tijt die leden is / dat voer hon quam ywaen marcelijs soen was van houbröken / als momboer sijns wijfs / en_ vercoft katheline_ Sproefs / ene_ beempt / gheleghe_ aen gheen waesdonc / jtem een stucke lants gheleghe_ tusghe_ erfenissen didderics snoecs van + der zant~voert aen deen side / en_ Erfenisse Elsbelen Euerijts kynd_e aen dander side / jte_ een stucke la_ts gheleghe_ neue_ erfenisse arnts heymen mitter eenre siden / en_ mitter ander siden neue_ erfenisse henric bakermans / en_ voert een stucke lants gheleghen tusghe_ erfenisse des goets~huys van postel aen deen side / en_ erfenisse arnts neuekens soens aen dander side in die p_chghy van zomeren en_ dat hij hoer / des coeps bat gonst / dan ene_ anderen / bezeghelt mitten ghemeynen zeghel ons scependoms van zoemere_ / Ghegheue_ jnt jaer ons here_ / Dusent / + Drie + hondert tseue_tich / + en_ neghen opten irsten woensdach jn + den Mey . . -