Corpus Van Reenen-Mulder (CRM14): Oorkonde L764r37902

Wij lodewijch van Eyndehouts / Symoen lambrechts soen / jan marien soen / willem van Eyke didderic die vroede / jan van + den Rode / en_ marcelijs Cyseken Scepene_ in zoemere_ doen cont en + yghelike_ / dat voer ons sijn come_ tot zoem_en in ene_ ghebanne_ ghedinghe / mathews die Scoemeker / en_ henric die vroede / en_ hebbe_ ghetuecht als scepene_ mit vo_nisse en_ mit recht bi mani_ghen tscoutheiden van pedelant dat voer hon quam Deyne Spapen soen tot dire tijt doe her henric van Stakenborch meester tot postel was / en_ gheloefde dat hij allen sijn hout dat bi_nen sine_ campe stonde dat der wijnt~moelen van zoem_en lettelec weer afhouwe_ soude / vutghescheyden sijn oeftboem die om sijn husinghe stonden / en_ drie Eyke_~boem / oft vier oec om sijn husinghe staende / mer weer dat zake / dat die der voerseder moelen lettelec weren / So soude hise oec af~houwe_ / bezeghelt mitten ghemeynen zeghel ons Scepe_doms van zoemere_ / ghegheue_ jnt jaer ons heren Düsent Drie + hondert tseue_tich en_ neghen opten irsten woensdach jn + den mey . . -