Corpus Van Reenen-Mulder (CRM14): Oorkonde L764r38401

Wij Jan van Rode jan Manen soen symoen lambrechts soe_ henric van aelst Dyrc die vrode van eyke ende henric van styphout scepene_ in someren Doen cont en + yegheliken Dat voir ons come_ is henric van halle die scomaker van lyerop en_ heeft wittelijc vercocht henricke Die + men heyt b˚faes wilen Gherards soe_ van eyke / tot behoef des godshuys van postel Enen beemdt in die prochie van lyerop ghelege_ in ghene werels dale als hi sede / neuen erfenis aen deen side des godshuys van postel voirg_ / ende aen dander side des selfs godshuys als hi sede / streckende metten enen eynde aen erfenis henrics vercopers voirg_ als hi sede Ende dese voirs_ henric van halle heeft dese_ ? beemdt den voirs_ henric die + me_ heyt bufaes tot behoef des godshuys voirg_ opghedraghe_ en_ heeft daer helmelinghe op verteghen tot behoef henrics die + me_ heyt bufaes voirs_ Ende heeft dese voirg_ henric van halle gheloeft op hom en_ op alle sine g˚ede dijd tyen ende vertyen des voirs_ beemds den voirg_ henricke die + me_ heyt bufaes tot behoef des godshuys voirs_ vast en_ stede te houden tot eweliken daghen Gherecht en_ sculdich waerscap te doe_ Ende alle voirco_mer af te doen / wt~ghenome_ tshere_ tsijns van + de_ gronde Bezeghelt mette_ ghemeyne_ seghel ons scependoms van somere_ Ghegeue_ op sunte Mathijs auond jn + den iaer ons h_en doe + men screef dusent drie + hondert tachtentich en_ vier