Corpus Van Reenen-Mulder (CRM14): Oorkonde L764r39901

Wij arnt gheheyten aye / Dyrc die vrode / Roef van verster Henric van + den aave_ne / Henric symons soen / Henric Mertens soe_ Ende dyrc ghyelen soen / scepenen jn zomeren / Doen cont en + yegheliken / Dat voer ons sijn comen / her Maes priester Gherits soen was van + der straten Persoen jn + den kercken van N˚enen en_ van Ghenwen En_ Gherit sijn wittich br˚eder / en_ hebben wittelijc en_ erfelijc vercocht Brueder Claus van + den Rode ondermeester des Goetshuys van postel tot behoef des selfs Goetshuys / Enen beempt gheleghen ter stede gheheyte_ jnt Roemsel jn die p_chie van zomeren / metter eenre siden neuen erfenys jans van + de_ Rode / metter ander siden neuen erfenys Claus Marcelijs bolx soen was / en_ aleyte_ sijns wittichs wijfs metten enen eynde streckende aen erfenys des (onleesbaar) ter hoeuen En_ mette_ andere_ eynde streckende aen erfenys Claus en_ aleyten voers_ / Dat van + der ghemeynten vte~ghenome_ is / als sij seden / En_ her Maes en_ Gherit sijn br˚eder voers_ hebben helmelinghe daer op verteghen tot behoef des Goetshuys van postel voers_ Voert hebben gheloeft dese voersc_ vercopere op hon en_ op al h˚er g˚ede / Den voers_ br˚eder Claus tot behoef des voers_ Goetshuys van postel / desen voers_ beempt / met allen sine_ toebehoerten / te weren als + men erue sculdich is te weren / En_ dat sij al voerco_mer die daer jn were vytghenome_ derde + half tsijns hoen / die + men jaerlijcs daer vte ghilt als sij seden den voers_ Goetshuyse altemael af z˚llen doen / En_ voert weert dat sake dat yemant weghe oft ouercomen met recht daer ouer hedde daer zullen her Maes en_ Gherit voers_ onghelast en_ onghehauden af sijn / En_ o_me~dat her maes voers_ dese voers_ gheleesten ewelijc vast en_ stedich woude hauden / Soe heeft hij sinen propere_ zegel voer vythanghende aen desen brief ghehanghen / En_ den ghemeyne_ zegel ons scependoms van zomere_ / Ghegeue_ jnt jaer ons heren ? ? + ? neghentich ende neghen opten pinster~dach van Mey