Corpus Van Reenen-Mulder (CRM14): Oorkonde L764r40001

Wij Gherit die Cleric Dyrc die vrode Henric van + den ave_ne / Roef van verster / Dyrc ghyelen soen Henric Symons soe_ / en_ peter die heect / Scepenen jn zomere_ / Doen cont en + yeghelike_ / Dat voer ons sijn comen her Maes prijster Gherit en_ arnt ghebruedere wittich zuene wilen Gherits die + men hiet van + der straten / En_ hebben wittelijc vercocht Br˚eder Claus van den Rode ondermeester tot Postel tot behoef des Goetsh˚ys van postel / Een stuc lants gheheyte_ de_ hoghen Haghen~ecker / gheleghen jn die p_chie van zomere_ / metter eenre siden neuen erfenys des Goetshuys va_ postel voers_ / en_ mett_ ander siden neuen erfenys Gherits henrics pauens soen was / als sij seden / op welc stuc lants voers_ die wymolen nv op steet / En_ dese voers_ vercopere hebben op dit voers_ stuc lants helmelinghe verteghe_ tot behoef des Goetsh˚ys van postel voers_ / voert hebben gheloeft dese voers_ vercopere op hon en_ op al h˚er g˚ede den voers_ Br˚eder Claus tot behoef des Goetshuys voers_ / dit voers_ stuc lants met alle_ sine_ toebehoerte_ te weren als + men erue sculdich is te weren / En_ dat sij al voerco_mer die daer jn were vytghenome_ sesse pe_ninghe payments die + me_ den voers_ Goetshuyse jaerlijcs daer vte ghilt / als sij seden / den voers_ Goetsh˚yse altemael af zulle_ doen / Bezeghelt metten ghemeynen zegel ons scependoms van zomere_ / Ghegeuen jnt jaer ons here_ Dusent en_ vier + hondert / op Sente seruaes dach Sbysscops