Corpus Van Reenen-Mulder (CRM14): Oorkonde L771r34501

Wi winric van der weyden ende heynric borgghreue Schepen tho venle doen kont allen luden die desen brief soelen sien oft horen leesen / ende bekennen dat mid desen Openen brieue / Dat voer ons sijn komen Pa˚weline ende Reymboyt vre soen ende hebben geloeft h_en Gherart van boychoyt Ridder / ende sinen Eruen . dat goet tho wijlren Soe wie dat geleeghen ys mid alle sijn tho~behore ende mid sinen recht te weeren Jaer ende daegh alst siede ende ghewonentlike ys van alle den ghene die tho oeren recht willen komen Voert~ane soe heeft Pa˚weline voerghenoempt gheloeft h_en Gherart Ridder voerscriuen ende sinen Eruen the vertien van der lijftoeght die sie heeft aen den voersprokenen goede van wijlren tho allen tyden ende tho allen steeden soe wanneyr ende soe wores her Gherart Ridder voerghenoempt ende sijn Eruen aen Pa˚weline voerscriuen ghesinnen oft ghesuken doert hem ende sinen Eruen stedich ende orberlijch maeg sijn Alle Argelist ghevaert van desen voersprokene dinghe / Jn Orconde deser voerscriuenre dinghe Soe hebbe wi winric ende heynric Schepen tho venle voerghenoempt ons zygel aen desen brief ghehangen Ghegheue_ + int Jaer ons h_en dusent drie + hondert ende vief ende veyrtich op s˚nte J˚rijs daegh des heligen martijrs