Corpus Van Reenen-Mulder (CRM14): Oorkonde L771r35901

Wj vrederic van den barghe here van Grebben Ridder doen Cont allen luden die desen brief Suelen sien of hoeren lesen Ende bekennen dat mit desen Openen brieue / Dat wj gheuen ende hebben gegeuen mit onsen gueden vryen wille toe erftijnze Goedaert suepken van venle ende Sinen Eruen Twe morgen lants / ende henneken van ouer~dyke ende sinen Eruen Twe morgen lants / ende henneken hadewigen soene ende sinen Eruen drie morgen lants / ende henneken petse van velden ende sine_ Eruen enen haluen morgen lants / so wie dit voergen_ lant gelegen is an enen stucke in ghenen geboerbossche bennen den kerspel van velden / teyndevrie erflijc ewelijc ende vmmermeir / enen ygeliken morgen vors_ omme enen tijnspennync jaerlixs te betalen op Sente Andries dage des apostels Alle argelist afgedaen Jn Orconde der waerheyt so hebbe_ wj vrederic voerg_ onsen siegele an desen brief gehangen Gegeuen int jaer ons h_en Dusent Drie + hondert negen ende vieftich / op Sente valentijns dage des martelleirs