Corpus Van Reenen-Mulder (CRM14): Oorkonde L771r36201

Wj burgermeest_en . . Schepene ende Raedt der stat van venle doen Cont ende kenlijc allen luden mit desen openen brieue / dat wj hebbe_ gesien ende hoere_ lesen enen openen brief besegelt mit eirsamer lude segele die hijr na bescreuen staen / gans alinc / ongelaect ende ongekanselliert die van woerde te woerde spryect aldus - Wj vrederic van den berghe Ridder Elisabet Sijn witliken wief Didderic van der donc Johan van den Raade van vuerst / wyncken van Eke en_ Johan inghynheysken doen Cont allen luden die desen brief Suelen sien of hoeren lesen / Ende beke_nen dat mit desen openen brieue / Dat wj gelauen en_ hebbe_ geloeft in guden trouwen alse saicwouden mit gesamender + handt en_ ongescheiden / ende mallic voer al / Gherart van Caule ende luten sinen witliken wiue purt_en to venle ende oeren rechten erfgenamen / den hof dee genant is inghijroyen / so wie dee gelegen is bennen den kerspel van velden / bi + den gerecht van venle mit alle sinen recht en_ to~behoeren ? / et sij mit lande / et Sij mit beende / et Sij mit bossche / ende et Sij mit broech bennen den vier grauen ende mitten vier grauen / ende daer toe eyn stucke lants daer bi opter masen gelegen / tusschen h_en Gherarts kynder lande van boycholt van der eynre siden / ende metten lande henekens dochter van lomme van der ander Syden / den wj vrederic ende Elisabet voers_ mitten voerg_ stucke lants verkoecht hebben Gerart en_ luten voers_ ende oeren Eruen / los / ledich en_ vrie / erflic ewelic en_ vmm_meir van teynden van scattingen / van beden ende voer eyn vrie guedt / also alse die erfbrieue begripen die daer op gemaect Sijn / te weeren jaer en + daech van alle den ghenen die ten rechten Comen wille_ / ende alle vurbrieue en_ alle aensproycke af + te + doen / also alse recht ende gewonentliken is te + doen van vryen erftinsguede / weert sake dat wj des nyet en + dede_ en_ versumeliken vonden wurden an ennygen punten voers_ / so gelauen wj saicwouden voerg_ en_ hebben geloeft in guden trouwen in te Comen tot maningen Gerarts of luten voers_ of oere Eruen of oere eyns boede te venle of to wessum in die stede / wellic oere stat van desen twe steden voers_ Gherart of lute voerg_ of oer Eruen (onleesbaar) of kiesen / en_ leisten aldaer mallic van ons mit enen perde te guder lude recht in eyn eirsame herberge die ons aldaer gewiest wurdt van Gherart of van luten voers_ of van oeren Erue_ / Of eyn jgelijc van ons maech enen eirsamen knecht mit enen perde voer vme in die leistinge voers_ senden die gelijc ons kusteliken Sij te leisten alse gaste / en_ jgelixs daechs recht maeltijde te + doen / ende den kost en_ teringe ons seluen an den wierde te wynnen en_ te quijten / Nyet vter leistingen te varen noch te scheyden in gheenre + wijs / noch nyeman mit sinen deyle quijt te Sijn / wj en + hebben to voerens Gherart ende luten voers_ en_ oeren Eruen gnoech ende voldaen van alle_ voerwaerden en_ geloefde_ voers_ / Alle argelist (onleesbaar) behyndichheyt en_ quade nye + vonde afgedaen van allen punten voers_ / Ende van alle desen voerwaerde_ en_ gelofnisse voers_ gelauen wj vrederic en_ Elisabet voers_ alse saicwouden voer ons ende vur onse Eruen onse samensaicwouden voerg_ en_ oer Erue_ alinc quijt ende scadeloes te halden en in guden trouwen tontheffen / Ende omme dat alle dese voers_ voerwaerden waer Sijn / en_ vast ende stede suelen blyuen hebbe_ wj vrederic Elisabet Didderic johan van den Raede en_ wyncken saicwouden voerg_ onse segele van onser rechten werenheyt an desen brief gehangen / Onder welken segelen voers_ jc johan inghynheysken bekenne dat alle dese voers_ dync waer sijn / en_ dat jc mi daer toe ?liken hebbe verbonden jn alle der formen ende maniren also alse voers_ is / voert so verkesen wj saicwouden alse eyn jgelijc voerg_ / weert sake dat deser segele voers_ eyn of meer breke of gebreke of gequeyts wurde of dat dis selue brief ennych gayt krege / nochtan so sal dis selue brief blyue_ volle_comeliken in sijnre alingen macht en_ stedicheyt gelikerwijs of hie gans alinc ende ongekanselliert were / Gegeuen int jaer ons h_en Dusent ? + . + ??????? + . + eyn ende sestich op sente Geirtruden auent der jonfvrouwen Jn orcunde des briefs van desen vidim_ besegelt mit onser stat segele van venle Gegeuen int jaer ons h_en Dusent Drie + hondert Twe ende sestich op Sente Geirtruden dach der jonfvrouwen