Corpus Van Reenen-Mulder (CRM14): Oorkonde L872r38801

Jch Arnout van der dellen Meyer jn der tijt der h_en van sentervaes Jn horen hoeve om~trent eyke gheleghen . En_ wir Dideric der Roede Engel gobbelen soen Johan knyp en_ johan . van loe . laet der h_en voers_ Doen kont allen luden die desen brief soelen Sien of horen lesen En_ tughen dat voer ons komen en_ verschenen . js . heynric van den waude . arnouts en_ zyllen soen was van den waude . En_ heeft gheliet en_ bekant voer ons dat hey Jn gueder recht_ witliker komenscap verkocht heeft . twe . malder Rogghen erfpachts der maten van eyke guyts pachts korns te betalen alle jaer erflic vmm_me en_ Ewelic den mu_b˚ren of den rectoer onser vrouwen en_ sent jorijs altaers jn der kirken van eyke gheleghe_ op sent andries daech des heylghen apostelen En_ te liev_en alle jaer loes en_ ledich van allen aensproeke Jn der stat van eyke Jn eynich huys waers die mu_bure_ of die rectoer die jn der tijt soelen siin begherende siin of denen voers_ pacht ontfaen willen op cost anxt vuringhe arbeyt en_ aventure heynrix voers_ of siinre erfnamen Voer wilghen voers_ erfpacht die mu_bure_ des voers_ altaers die jn der tijt siin wael en_ witliken betaelt hebben eyne su_me van gelde . der heynr_ voers_ wael ghenoecht heeft en_ heeft die mu_bure_ en_ rectoer voers_ daer aef quijt gheschouden En_ om den voers_ pacht erflic te veronderpanden So heeft heynr_ voers_ daer voer tot onderpande ghesat sine husiinghe met den gronde en_ met der hoevereysinghe_ ghenant tot ghene_ waude . myt sine_ toebehoer also als dat gheleghen js . en_ . vier buynre lants wenich me of men die gheleghen siin by ghenen waude en_ daer om~trent jn artacker in busschen jn haghen in naten of in droeghe_ also sullich als men die haldende js met der hoevereysinghe_ te~samen . van den heren van sent_vase . voerg_ Van wilghe_ voers_ onderpant eyn en_ ander heynr_ voers_ heeft Sich en_ sine erfname_ voer ons ontguyt en_ onterft met den recht en_ heeft want ons kondich . js . dat heynr_ voers_ also gheguyt js jn den voers_ onderpa_t dat hey Sich met den recht ontgueden maech En_ so heeft hey arnoude aelwiins soen den loere als mu_bur en_ jn behoef des voers_ altaers of eyns rectoers des altaers voerg_ daer jn doen gueden en_ er˚e met den recht als voer den voers_ pacht erflic Jn voeghen en_ jn manire_ w_t dat zake des nyet ghescien en muyt dat der voers_ pacht nyet alle jaer altemael wael betaelt noch ghelievert en woerde als voers_ js dan m˚cht eyn rectoer des voers_ altaers of eynich mu_bur die jn der tijt w_e rectoer of mu_bur hoer hant slaen aen den voers_ onderpant met den recht horen wille daer met doen als met and_en erve en_ g˚ede . des voers_ altaers sonder Calencire_ of wederspreken heynr_ voers_ siinre erfnamen of yemans van horen weghen beheltenisse voer alremallix siins rechts Alle arghlist en_ quade vonde alde en_ n˚e gheystlic en_ werltlic jn desen saken vytghesceyden Jn ghetughenisse der waerheyt want wir laet voers_ kennen dat alle voers_ vurwarden voer ons komen en_ ghesciet siin als voers_ js en_ wir egheyne_ ghemeynen syegel en hebben so bidden wir met den voers_ partien van beyden syden arnoude van der dellen onsen meyer voers_ dat hey desen brief om onser beden wille besyegel . En_ jch arnout van der dellen voers_ want jch by alle voers_ vurwarden gheweest ben als eyn meyer en_ om beden wille der voers_ laet en_ der partien van beyden syden so hebbe jch myne_ p_p__en syegel . aen desen brief gehanghen Jnt Jaer der ghebort ons h_en dat men scrijft dusent drye + hond_t achtentich en_ acht twintich daghe jn den meert / -