Corpus Van Reenen-Mulder (CRM14): Oorkonde L872r39701

Jch heyne mertiins Meyer jn der tijt heynr_ van breyderoede jn sine_ hoe˚e tot heppenart En_ wir heynric kirlebey goede bucke . johan putma_ johan fyen soen van den g_ve en_ johan stegheman laete heynr_ voers_ En_ jch joh_es van der Capellen leen~man gilycs dat hir na bescreve_ js En_ wir heynr_ kirlebey bartholome_ meus soen was goetscalx johan scoef en_ alart weertke_ laet joh_es voers_ Doen zamentlic kont allen lude_ die desen brief soelen Sien of hore_ lesen En_ tughe_ dat voer ons jn en yegheliken hoef voers_ komen en_ verschene_ js heynric van breyderoede voers_ en_ heeft gheliet en_ bekant voer ons . dat hey in gueder recht_ witliker kome_scap verkocht heeft tylmanne gobbelen soen ende oeden sine_ wittighe_ wy˚e erflic erfCense en_ Capune en_ kore_ die hir na bescreve_ staen dat js te weten . vier alde g_te op sent lambrechts daech . en_ . vier . Cap_ op sent stephaens daech en_ eyne_ koer als die velt op des jonchere_ kender guyt huys en_ hoef gheleghen tot zanct by den vaudere_ en_ op eyn half buynre lants acht_ den hoef gheleghe_ jt_ noch . twe . Cap_ op sent stephaens daech op goeden bux guyt op onder + half buynre lants . wenich me of men by heppenart gheleghe_ jeghen dat veerstat met eyne_ ende aen joh_es tharijs huys En_ eyne_ koer als dey velt op den selve_ er˚e dat men te~same_ haldende js vyt heynr_ hoe˚e voers_ Jt_ noch dat jn joh_es hoef van der capellen gehoert . twe . alde g_ op sent lambr_ dac op Reyners des ghaents guyt . huys en_ hoef tot g_melsloe ghelege_ en_ twelf penninghe lucslacht op pouwels huys en_ hoef jn gheen rodere_ . Jt_ acht pe_ninghe lucsl_ . op goedarts guyt van birkinghe_ huys en_ hoef . jt_ eyne gauys op sent lambr_ daech die johan dryes vyt den werde gilt van eyne_ stucke lants by zanct gheleghe_ / jt_ . twe . Cap_ op myllen des wilden guyt . tot Elen aen den kirchoef gheleghe_ En_ heynr_ voers_ heeft hoem van den Cense Cap_ en_ kore_ voers_ erflic ontguyt en_ onterft jn en yeghelike_ hoef voers_ met den recht en_ heeft tylman voers_ daer jn doen gueden en_ erve_ met den recht . Jn voeghe_ en_ jn manire_ dat tylman en_ oede voers_ en_ hoen erfname_ soelen en_ moeghe_ den voers_ cens Cap_ gaese en_ ko˚ren heffen en_ met den recht krieghe_ altemael alle jaer gheliker wijs als heynr_ voers_ of sine erfnamen m˚chte_ hebbe_ ghedaen sonder Calencire_ of wederspreke_ heynr_ voers_ siinre erfnamen of yemans van hore_ weghe_ of yemans des jn der tijt eynich van den voers_ onderpande w_e . beheltenisse voer alremallic siins rechts Voer wilghe_ voers_ Cens Cap_ gaese en_ kore_ tylman en_ oede voers_ wael en_ witlike_ betaelt hebbe_ eyne su_me . van gelde der heynr_ voers_ wael . ghenoecht heeft En_ tylman en_ oeden daer aef quijt~ghescoude_ heeft Alle arghelist en_ q_de vonde alde en_ nuwe gheystlic en_ werltlic jn desen zaken vytghesceyden Jn ghetughenisse der waerheyt want wir laete heynr_ voers_ kenne_ dat alle zake_ voer ons kome_ en_ ghesciet siin als voers_ js . En_ wir egheyne_ ghemeyne_ syegel en hebbe_ so bidden wir heynr_ voers_ onsen leenh_e dat hey desen brief om onser beden wille . besyegel En_ jch heynr_ van breyderoede . voers_ want jch kenne dat jch den Cens Cap_ gaese . en_ kore_ voers_ erflic verkocht hebbe en_ mich wael betaelt siin als voers_ js en_ ouch die guedinghe_ ghedaen hebbe als voers_ js . so hebbe jch myn p_per syegel . voer mich en_ om beden wille mynre laete_ op eyne stat aen desen brief gehanghe_ En_ bidde vort joh_es van der Capellen en_ sine_ laeten dat sy desen brief met mich besyeghelen En_ wir laete joh_es van der Capellen . voers_ want wir kenne_ dat alle zake_ voer ons kome_ en_ ghesciet siin als voers_ js . en_ wir egheyne_ ghemeyne_ syegel . en hebbe_ . so bidden wir met heynr_ en_ tylman voers_ joh_es van der Capellen onsen leenh_e dat hey desen brief om onser beden wille besyegel . En_ jch joh_es voers_ om beden wille mynre laete_ en_ heynr_ en_ tylmans voers_ . so hebbe jch myn p_per syegel aen desen brief gehanghe_ . Jn den jaer der ghebort ons h_en dat men scrijft . dusent drye + hond_t noeghe_tich en_ zeven twintich daghe jn januario