Corpus Van Reenen-Mulder (CRM14): Oorkonde L872r39801

Jch dideric van Elen wilhems soen was van Elen den got ghenade Doen kont allen lude_ die des_ brief soelen Sien of hore_ lesen en_ tughe met desen opene_ brie˚e dat jch hebbe ghekant en_ kenne her johanne van . hoxscot en_ sine_ erve_ jn gheselsscap en_ jn ghedelinxscap erflic den baent geheyten jn gheen hoet~vort so wye dey ghelege_ js met allen sine_ toebehoer En_ den kamp acht_ gheenre natte jeghe_ vekemans huys over so wye dey ouch ghelege_ js met alle_ sine_ toebehoer voer scho˚t die jch dideric voers_ her johanne sculdich ben En_ want deys baent en_ deys kamp voers_ leenguyt js en_ gehoert tot mynen leen dat ich haldende ben van myne_ lieve_ ghenedighe_ h_e van h˚erne so yst vurwarde dat her johan van hoxscot voers_ en_ sine erfname_ of so wee den voers_ baent en_ kamp heeft of hebben sal en_ besitte_ dat sy draghe_ en_ gelden soelen dat aendeyl van heerghewede en_ van recht dat men eyne_ h_e van h˚erne sculdich js na dat des helders na belanc en_ na groetde van den gansen alinghe_ leenguede van den erve dat daer toe gehoert also dicke en_ also me_nich werf als dat velt en_ jch en_ her johan van hoxscot voers_ hebbe_ mallic den andere_ quijt~ghesco˚den en_ verteghe_ mallic op den andere_ van alre scho˚t en_ van alre tyechten des eyn den andere_ tyende was of sculdich mucht siin tot desen dage toe op dat_ des briefs En_ jch dider_ voers_ hebbe ghezyckert en_ gheloeft jn gueden trouwe_ en_ jn eyde~stat als eyn guyt man voer mich en_ voer myne erfname_ en_ voer mynre moeder her johanne voers_ en_ sine erfname_ den voers_ baent en_ den kampe voers_ erflic en_ ewelic laeten notten en_ vroeme_ en_ hore_ wille daer met laeten doen sonder Calencire_ of wederspreke_ of sonder eynich kroeden of hynder van mich of van myne_ erfname_ of van mynre moeder of yemans van onser eynichs weghe_ En_ jn dat voers_ er˚e te halden / beheltenisse myne_ lieve_ ghenedighe_ here van h˚erne en_ sine_ erfname_ en_ nakomelinghe_ hoers rechts aen den gansen alinghe_ leen onghesceyden Alle arghelist en_ q_de vonde alde en_ nuwe gheystlic en_ werltlic jn des_ zake_ vytghesceyden En_ jch dider_ voers_ want jch lye en_ bekenne dat alle zaken ghevurwart en_ ghesciet siin als voers_ js so hebbe jch jn ghetughenisse der waerheyt myn p_per syegel voer aen des_ brief gehange_ En_ bidde Coenr_ haecke van thore_ En_ johanne van oeydenhove_ om te mere zekernisse dat sy desen brief met mich wille_ besyeghele_ als leen~manne myns lieve_ ghenedighe_ h_en van huerne voers_ En_ wir Coenr_ haecke en_ johan van oeydenhove_ voers_ want wir by des_ vurs_ vurwarde_ gheweest siin als leen~manne ons lieve_ ghenedighen h_en van h˚erne voers_ en_ om beden wille dider_ en_ her johans voers_ so hebben wir jn ghetughenisse der waerheyt mallic van ons siin syegel by dider_ voers_ syegel aen des_ brief gehanghe_ Jn den jaer der ghebort ons h_en dat men scrijft dusent drye + hond_t noeghe_tich en_ acht vier dage jn februario / den men heyt sporkelle : -