Corpus Van Reenen-Mulder (CRM14): Oorkonde O052p30501

Wi Goswijn here van Erpe riddere Groeten alle de ghene die dese lettren zelen zien ofte horen lesen ende maken hen cont dat vor ons ende vor scepenen van erpe / Jacobe van den Merenbroecke . johanna die gheheten es pape / Goswijne van den Nijste / Ywaenne van den wouwere en_ willeme van den bossche Dat quam ver Lucia van den Meysoene met haren voght lisebet har docht_ met haren voght ende macharijs van den Meysoene willecorden ende bewijsden vore den vorgheseden Heere en_ vor de vorghesede scepenen van erpe / bi haren wille / Den abt / en_ den conuente van sente bernaerts stade / van den bisdoeme van camerke / van der oerdenen van cystians / drie pont tjaers erfelike / alsucks paiments als + men gelt int lant op en_ neder / alse ghenghe es en_ gheue op drie boenre vynnens~lants / int meysoenre velt / in + die prochghie van erpe / En_ dien tsijs es men hen sculdech te + geldene altoes te sente jehans misse gheheel ende onghedeelt . Eest dat sake dat Si den vorgheseden ghesteliken lyeden den vorgheseden tsijs ghilden ten vorgheseden daghe dat houden + si ouer goet : Ende waert dat sake dat den vorgheseden lieden har tsijs dies daghes ghebrake die hijr vore ghesproeke_ es dat nyet sijn en sal soe mochtent die vorghenoemde liede van sente bernaerts / op hen vinnen / en_ op haer goed bedriuen en_ opt + vorghenoemde goed . Ende al est dat sake dat dese vorwaerden aldus ghesproken sijn en_ ghemaect / Dies pants en moghen si nyet v_boren jeghen die vore~ghenoemde liede en si dat die ene chijs den andren verhale . Ende ghevielt dat die ene tsijs verhaelde den andren soe moghen die vorghenoemde liede / ane tvorghenoemde goed alse aen haer gherechte goed haer hant slaen / en_ te haere baten keren . Dit was al ghedaen bi Maenne des voregeseds heren van erpen baeliues / ende bi wisene sijnre scepenen van den dorpe van erpe / Met vonnisse ende der seden van den lande / Ende van desen goeden gheuen die vorghesede liede van sente bernaerts joha_ne den coninc of sinen oer tjaers ene_ par_ ghewer penninc . Ende wi Goswijn here van erpe wel dat weten dat saen of te ghaen der liede ghedenken . en_ oec dat onse scepenen en~ghenen segel en hebben soe hebbe wi omme bede der vorgheseder scepenen wille omme vestinghe hijr ane onsen seghel ghehanghen . jnt jaer ons heeren doe + men screef / duzentech drie + hondert ende viue des anders daghes na sente matheus dach - -