Corpus Van Reenen-Mulder (CRM14): Oorkonde O061p39901

Wij scepenen van Aelst Jan de proufst ende Jan salaert doen te wetene allen lieden dat comen es voor ons beele smoutenaezen ende heeft ghecocht ende ghecreghen wettelec Redenlec e wel v_gouden jeghen katelinen vrancs / achte ende twintech scellinghe parisijse tsiaers erffelijker Renten die te gheldene ende te betalene der vors_ beelen ha_en oyr e naco_mers te kerssauo_de eerst co_mende veertienachte daer naer ombegrepen te zijne van payme_te te doene / e also vort~ane alle Jare van kerssauonde te kerssauonde euwelijc ende erffelijc ghedurende / Ende dese vors_ achte ende twinteghe scellinghe par_ erffelijker Renten so heeft katheline vorn_ met voechde wettelec ghe?uert beset ende bewijst vp haer huys ende erue ghestaen ende gheleghen in den sompersoec tusschen der straten daer men gaet ten blaeuwen turre waert an deen sijde / ende heinrics moeren huys ende erue an dand_e sijde Ende voort vp de stede dar + bachten gheleghen an de vorghenoemde stede ten blauwen turre waert daer kerstiaen van + den houte vp woent Ende van desen vors_ achte en_ twinteghen scellinghen par_ vlaend_scher mu_ten erffelijker Renten so heeft haer de vorghen_ katheline wettelec onthuut ende ontherft Ende de vors_ beele esser wetteleke toe comen e Jn + gheerft naer zede recht wet ende costume e vsaige van + d_ vryheit van Aelst Jn kennessen der waerheit ende wte beden neernsten versoucke van p_tien so hebben wij scepenen bouenghenoemt dese l_ren ghezeghelt met onsen wthanghenden zeghelen Jnt Jaer ons he_en doe men screef dusentich drie + hondert neghentich ende neghene den zeesten dach van Septembre . . .