Corpus Van Reenen-Mulder (CRM14): Oorkonde O069p34301

Cont si allen den ghenen die dese lett_en selen sien ochte horen lesen / Dat Jan dien men zeghet gillis sone wilen was van der slehaghen en_ magrieten siins wettechs wijfs es Comen vo_e gilliise den smed pieters smeeds sone wilen was van m_chtene . Ende vo_e de schepenen van m_chtene van buten die + daer toe wa_en gheleent welke schepenen Claus de bosch_e de mey_e van m_chtene en_ te di_e tijt dat hies machtech was daer toe leende want die vo_eseide here en hadde daer en~ghene wlde van laten . ende heeft bekint beset bewijst en_ verpant . heinrecke Jans sone vore heylwijghen sone wilen was van moelwijc . twintech scellinghe penni_cghe erffelec en_ euwenlec durende en_ staende op drie dachwant lants lettel mi_ ochte lettel meer gheleghen binne_ der prochien van m_chtene jn ere steden die me_ heet op de (-) (-) gheleghen naest sente Jans jn ere steden die me_ heet op ten hoef hoernec . Ja bekint . beset bewijst en_ verpant ghelijc dat hi jan sculdech was te doene want ghelijc dat men dat vo_eseide goet hout van gillise den smed vo_eseit soe es dit gheschiet bi maennessen gilliis vo_eseit alse h_e van den gronde vo_eseit di_e op sculdech was te maenne . Ende bi wijsdoeme der schepenen van m_chtene van buten die daer toe wa_en gheleent ghelijc dat hier vo_e es besc_uen di_e op sculdech wa_en te wiisenne waer + bi . dat hier jn al es gheschiet beide vo_e en_ nae dat jn alsoe selken stucken sculdech es te gheschiene nae die gherechte weech consch + (-) en_ die ghemeyne vrage des lants daer dat vo_eseide goet jn es gheleghen en_ en~gheen point van rechte achter~ghelaten en_ altoes behoudenlec tsh_en rechte van den gronde vo_eseit en_ allen den rechte daert tote hare op Comen es . Ende te gheldene jaerliix telken paeschen ochte te sente jans messe daer nae jerst Comende vergouden te sine en_ emmer alsoe selcs ghels alse telken paeschen ghinghe en_ ghaue sal siin binne_ tshert~thoghen lande van brabant en_ ghemeynlec jn borse gaet en_ daer men mede Coept en_ vercoept Voert es te wetene waert dat sake dat hi jan die vo_eseide twintech scellinghe niet en goude telken paeschen ochte ombeg_penlec te sente jans messe baptistes daer nae jerst Comende ghelijc dat dese lett_en houdende siin en_ alsoe dat heinrec vo_eseit waere jn ghebreke van sinen Cheinse vo_eseit Dat es voert te wetene want mag_te jans moeder vo_eseit heeft hare bileninghe en_ hare toecht ane dat vo_eseide goet alsoe verre alse sie doet soe es te wetene dat mag_te vo_eseit es Comen vo_e den vo_eseiden h_e en_ vo_e de schepenen van m_chtene van buten die daer toe wa_en gheleent ghelijc dat hier vo_e besc_uen es . Ja sie en_ pieter dien men zeghet de man en_ hare wetteghe man en_ hebben gheconsenteert bekint en_ verliet heinrecke vo_eseit dat hi heinrec dan mach slaen sine hant ane dat vo_eseide goet gheheel dat es te wetene ane den vo_eseiden gront ochte erffachtecheit en_ oec ane die bileninghe en_ ane alle dat recht dat mag_te vo_eseit houdende es ane dat vo_eseide goet . en_ houden dat goet berghen en_ daelen vrome_ en_ ontvromen payselec en_ vredelec en_ onuerzeghet van jemanne metten h_e van den gronde vo_eseit . ochte metten h_e van den lande tote die tijt dat heinrecke vo_eseit gnoech si ghedae_ van sinen cheinse vo_eseit en_ van allen sine_ ghebreken die daer ane roren mochten wale en_ volcomenlec . Voert om_e~dat dese lett_en vaste en_ ghestade selen bliuen Euwenlec durende en_ wale ghehouden En_ om_e~dat alle dese dinghe die dese lett_en houdende siin siin aldos vo_e ons gheschiet dat es te wetene bi maenessen van den h_e vo_eseit Ende bi wijsdoeme van ons schepenen van m_chtene van buten vo_eseit die daer toe wa_en gheleent ghelijc dat hier bouen bescr_uen es soe hebben wij schepenen van m_chtene van buten vo_eseit ouermids versoek . Consent . willeco_e . en_ bede van den vo_eseiden here Ende van beiden den p_tien vo_eghenoemt onsen ghemeynen zeghel van m_chtene van buten ghehanghen ane dese lett_en Jn oerconscape der waerheit Dit was ute~ghegheuen jnt jaer ons h_en doe men screef dusentech . Drie hondert . viertech ende drie tschoens~daghes voere sente maertens dach in den wintere - - -