Corpus Van Reenen-Mulder (CRM14): Oorkonde O152p31101

het si cont en_ kenlike allen denghene_ die dese cyrog_fe selen sien ochte hore_ lesen dat Clem_tie en agnese ghesusters beghine_ geheten van hedekerke hars dancs en_ hars willens hebben wel en_ wettelike v_kint vor scepene_ va_ niniue dat si die hofstat dar si op wone_ te niniue bi den kerchoue houden va_ den godshuse va_ niniue in allen dingelage dat soe gelegen es om ene_ jarliken cheyns te har beder liue en_ niet langher / want dieuorseide hofstat in allen hare_ gelagen desuorseits gods~hus erue es en_ na har beeder liue ten godshuse vorgenomt weder kyere_ moet als godshus erue En_ voert die husinghe die dar op die hofstat staen en_ al datter op is en_ wesen sal ertvast en_ nagelvast dat hebben si oec wel v_kint dat den vorseiden godshuse bliue_ sal en_ bliuen moet na har beder liue behouden dien dat soe bede tegader ochte welc haren dat lancst leuet metten boeme_ die op dieuorseide hofstat staen ochte staen selen / haren orbore selen moghen doen alsoe lange alsi bede ghesont sijn . Maer worden si liggende in hare_ siecbedde so ne mochten si no harengheen hare_ willen doen metten deuorseiden boeme_ / maer si moetense laten staen . als goshus behoef na haer doet / en_ altoes sonder targhene die husinghe vorgenomt . En_ hebben oec v_kint en_ accryert soe wat lettre_ / charters ochte betoech hier jeghen spraken dat si enghene cracht en mochten hebbe_ jeghen dese cyrog_fe en_ dese v_kinnesse die si v_kint hebben . ghelic dat uorseit es . hir ou_ ware_ als scepene va_ niniue diedric die jeude / jan va_ den kelre en_ jan de pav . En_ dit was v_kint en_ gedaen in den jare ons h_en . M . CCC . en_ elleue in die maent van meye