Corpus Van Reenen-Mulder (CRM14): Oorkonde O152p31701

Weten alle deghene die siin ende tecomene siin dat Cornillus vander bant ende allise siin wiif siin comen voer de wet van Nieneue ende hebben verkint ende verliit dat wi wettelec hebben vercocht arnoude vander wueren tiene scellinghe scellinghe swarter parisise erfelec siaers tegheldene telke_ sente baefs daghe arnoude vorseit ochte denghenen die dese Cyrog_phie bringhen sal ende dese vors_ tiene scellinghe siaers soe heeft cornillus ende siin wiif vors_ bewiist ende beset op haer diel huis ende eruen dat gheleghen es ende steet tuschen mergrieten swreeden ghelaghe ende ameloten huise ende op een dachwant bosch dat leit ter doerent neuen den mersch vanden petale / ende ware dat sake dat cornillus vors_ ochte deghene die dese vors_ bewisenesse houdende waren Niet engouden telken daghe vors_ ende dien payment dander acherhaelde soe mochte arnout ochte debringh_e vors_ sine hant slaen ane dese vors_ bewisenesse alse ane siin p_p__e goet / Hier ou_ waren alse scepenen van Nieneue jan vanden kelre ende oliuier van oesterzele dit was ghedaen ende ghemaect int jaer ons h_en dat men screef duisentech drie + hondert en_ seuentiene sondachs voer sente martiins dach inde wint_e