Corpus Van Reenen-Mulder (CRM14): Oorkonde O152p33101

Dat si cont allen den ghene_ die dese cyrog_phe zelen sien ofte hoeren lesen dat ihan de wrede es sculdec aernoude van der vure_ ofte den ghene_ die dese cyrog_phe brincht des iaers erfelijc staende . ix . oude coni_cs groote Tornoyse te gheldene elcs iaers telke_ sente ians Meesse in Middenzomere en_ onbegrepen volgolde_ te sine te elken sente peters daghe daer + naest volghende . En_ ware dat sake dat dit vorseide ghelt niet volgolde_ en ware telken daghe ghelijc dat vors_ es so mach aernout van d_ vure_ vors_ ofte de ghene die dese cyrog_phe brincht hant slaen ane thus en_ ane derue daer ihan de wrede in woent Midts der Rente_ va_ . vi . d_ . par_ diere iaerlics utegaen En_ houdent alse zijn prop_ goet sonder enec weder~secghen Met allen dien dat hire op vent En_ Midts allen den gheleghe_ dat gheleghe_ es Duelke hws en_ erve staet en_ leit tusghe_ lizebette_ swrede_ hus en_ erve En_ gillijs ? hws en_ erue hier ouer ware_ alse scepene_ van nieneue woutre de baertMakere cornillis de driuere woutre ? ende ihan de ? dit was ghedaen Jnt iaer ons heren doe men scref &mring; ccc˚ en_ . xxxi . den . xx . dach in nouembre