Corpus Van Reenen-Mulder (CRM14): Oorkonde O152p33901

Weten alle de ghene die siin / dat / dabd en_ t_uent van den godshuse van nieneue haren boden en_ de ghene die van haren weghen siin tote haren merssche in venebroec gheleghe_ haerre pitantien toe~behoerende / siin sculdech te hebbene / erfelec eenen driuewech daghelijcs te haren beesten boef en_ eene_ menewech altoes te tideghere vrome_ van den mersche vorseid / ouer den mersch / diere van sente jh?se van ghend / daer bi gheleghen / ende Mids beuindene van weteliken besoeke van den ouders en_ van vele goedere liede_ daer omtrend / so es aldus hier af leden een goed wettech vonnesse bi maninghe sbaillius en_ bi wijsdoeme der scepene_ van nieneue En_ hier ouer ware_ alse bailliu van nieneue en_ maenre hier af peeter ? En_ alse scepen_ van nieneue en_ wisers hier af jan de ? Cornillijs van pollaer gillijs van tortelboeme jan ? jhan de brabant_e / en_ wout_e van loembeke jnt jaer ons he_en doe men screef / M CCC dertech en_ neghene den eersten dach van octobre