Corpus Van Reenen-Mulder (CRM14): Oorkonde O245p34801

Wj Scepene_ van Leneke Maken Cont allen den ghenen die dese Letteren selen sien Ochte Horen Lesen . dat Her heinrec Heldebout Heft vercreghen en_ ghecocht wel en_ wettelec jeghen jan cappe_ Virtech scellinghe payments van brabant porseghelds elx jaers ewelec en_ erfelec staende te valne altoes in sente andries daghe en_ vergouden te sine te Kersauonde en_ med alselken paymente alse telken sente andries daghe in borse gaen sal ghemeenlec in brabant En_ hier vore heft jan vors_ gheset en_ bewist te pande Viue scellinghe en_ Drie pond payments van br~abant Viue dewelke scellinghe ende Drie pond jan vors_ heft elx jaers erfelec op Maes oems gheleghe in al dien gheleghen dat gheleghe_ es te Leneke tuschen jan leins gheleghe en_ jan caps gheleghe vors_ dat Heinrec ghisels was en_ op onder + half dachwant Lands Lett_ men ochte meer jn heinrex veldeken van den broeke gheleghe_ bouen de_ herdinc dat peeters smeeds was En_ hier af es jan cappe vors_ wettelec onterft en_ essere Her heinrec vors_ in gherft en_ al bi maninghen smeiers en_ bi wijsdome van scepenen behoudelec jghewelx rechte na sede en_ costume van den dorpe van Leneke waer + bi dattere al toe ghesciet es dattre med den rechte sculdech was toe te ghesciene . En_ met desen vorwaerden ware dat sake dat jan cappe vors_ ochte sijn oir den vorseiden H_ heinrecke ochte sinen oire sine vors_ Virtech scellinghe payments niet en goude elx jaers erfelec telken sente andries daghe ghelijc dat vore ghesproken es en_ ouer~lede Kersauont onuergoude_ soe mochte H_ heinrec vors_ ochte sijn oir hand slaen ane dit vorgheno_de gheleghe en_ ane dland alse ane sinen pand en_ dien houde_ vromen en_ onturome_ jn dire seluere manire_ dat jan cappe vors_ ghedae_ soude hebben dat es te wetene tote dire tijt dat hi al sine achterstellicheit sinen cost en_ scade die he_ daer af comen ware aue~ghedreghen hadde alse v_re alst den scepene_ redelec en_ moghelec dunke_ soude en_ daer na soude die selue pand weder keeren daer hi sculdech ware te keerne altoes Her heinrecke vors_ en_ sine_ oire gheset en_ bewijst te pande van jan caps weghen vors_ vore dese vors_ Virtech scellinghe payments erfelec ghelijc dat vore ghesproken es jn orkenscape welker dinc wi vors_ scepenen hebben hier ane onsen ghemenen seghel ghehanghen bi beden van den pe_tien . Dit was ghedaen op den twalefsten dach van Meye jnt jaer ons Heere_ dat men screef Dusentech Drie + hondert achte en_ Virtech - . . - . .