Corpus Van Reenen-Mulder (CRM14): Oorkonde O250p32301

Wij . . Scepene_ van leeuwe sinte peters Maken cont allen Den ghene_ Die Dese lett_en selen zien en_ hore_ lesen Dat vore ons quam h_ Roellof pipe_poy Drossete van brabant en_ droech op de_ meyer in de hant een boenre lants gheleghen op de_ winckel jeghen poelbroers bosch / vif dachwant lembeke achter maes sberchs lochte_ . x . dachwant lembeke jn tween stucke_ acht_ michels hof was van clinghen / een boenre lembeke ane jan bolsters lochte_ / Drie ?chwant beems jn de cleert lembeke bi spape_ beemde / een half + boenre lants lembeke bouen De_ beemt te winnebroec weert / welc goet wilen was michiels van clinghen Ende onderfde heme daer ane de vore?heseide her Roellof / teerre capelrie_ behoef die me_ stichte_ sal in de kerke va_ brusele te sinte goedelen jn de eere ons_ vr?we_ / en_ mijn sh_en sinte jacops bi maninghe_ smeyers en_ bi wijsdome der scepene_ alsoe alse recht was / Daer na soe q_m Die selue meyer / en_ erfde en_ goede / Reyn_en van thiene_ dien men noemt lepp_e clerc des voregheseides Drossete_ ter voregheseider capelrie_ behoef jn al dit voreghenoemde goet te houdene en_ te besittene emm_meer en_ ewelec / van de_ ghen?_ die de voregheseide capelrie sal v_diene_ / Bi maninghe_ smeyers en_ bi wijsdome der scepene_ / alsoe dat hier jnne gheschiede al dat mette_ rechte daer jnne sculdech was te gheschiene ne~ghene pointe van rechte acht_ ghelate_ En_ o_me~dat dit waer was en_ dit aldos vore ons gheschiede Soe hebbe_ wij Scepene_ vo?eghenoemt Dese lett_en beseghelt Met onsen ghemeine_ seghele vtehanghende / Dit was ghedaen sdonderdaghes vore sint_ claus dach jnt jaer ons h_en . M . + CCC . + en_ xxiij . . .