Corpus Van Reenen-Mulder (CRM14): Oorkonde O250p33401

Wj scepene_ van leewe sente pe_rs maken cont allen den ghene_ die dese lett_en selen sien ochte hore_ . dat q_m vor ons jan pet_s sone van nederhem en_ drouch op de_ meier in de hant seuen dachwant goeds in al den gheleghen dat in lande in boegarde in hofstaden te nederhem gheleghen es / en_ onderfde hem de vorgheseide jan van al die_ vorgheseide_ goede te heinr_s behouf van den wiingarde bi mani_ghen smeiers bi wiisdome der scepene_ / en_ ouer~mids vier scellinghe ouder groeter tornoyse siaers / ewelec en_ erflec staende / en_ telken k_sauonde te gheldene en_ met selken vorwarden / ware dat sake dat me_ den vorgheseide_ heinrecke van den wiingarde niet en goude tusscen elken kersauont en_ den naesten volghenden sente marie_ lichtmesse sine vorgheseide vier scellinghe ouder g_ete / soe mochte hi de vorgheseide heinr_ de hande slaen ane al dat vorghenoemde goed / en_ mocht houden alse siin erue en_ sine_ pant vrome_ en_ ontfrome_ tote diesmaels dat hi de vorgheseide heinr_ sal hebben af~ghedreghen sine vorgheseide vier scellinghe ouder g_ete / al de v_lettenesse en_ al de scade die hem dar af come_ ware . dar na q_m die selue meier en_ erfde den vorgheseiden heinrecke in al dat vorgheseide goed bi mani_ghen smeiers bi wiisdome der scepene_ / en_ met alsoe selken vorwarden alst op~ghedreghen was / en_ omme~dat dit waer was en_ dit aldos vor ons ghesciede vast en_ ghesteede bliue_ sal / soe hebbe_ wj vorgheseide scepene_ dese lett_en gheseghelt met onsen ghemeine_ segle . dese lett_en waren ghegheue_ int jaer ons heere_ alse me_ screef dusentech drie hondert / + ende vire en_ dertech sat_daechs na~dat apriil in~ghinc