Corpus Van Reenen-Mulder (CRM14): Oorkonde O567r30301

Wi scepene van steenhuffle gruete_ alle de ghene die dese lettre sien en_ horen selen en_ ontbieden hem onse saluut en_ de gherechte wareide van desen . Wi doen v te wetene en_ maken v cunt in dese thieghenwordighe lettre dat li?ebeth des ammans suagherinne heuet ghecocht erfleke jaerlikes thieghen willeme van + den busche tuintich scellinghe alselec payement alse nu in borse gaet da? den groten tornoysen ouer seue_tien pe_ninghe den torre ouer sestiene . vier parisise ouer viue den suarte_ tornoysen ouer ene_ pe_ninc telken sente jans messe te gheldene die te midde~soemer comet en_ ombegrepe_ te sine tote halfhogest vp en half bunre lands lettel min ochte meir sum busch sum lant winne_de datter quichaghe leghet en_ heit ten vpstalle dat willem houdende es van + de_ here_ van + de_ diedsche_ huse en_ bi wilcore des here_ met al dusghedaenre vorwaerde . Ware dat sake dat willem die ghenoemet es van den busche diere vorgheseider lisebetten dit vorghenoemde ghelt tiere vorghesprokenre tijt niet ne goude dat si hor hant sal slaen an dien vorseiden pant en_ dien orbare_ alse langhe want hor es vergouden en_ soe wannier soe hors ghebrake dat si dat ghelt nae hor doet erflike gheue_ mach daer si wille . hijr ouer heuet gheweset gielijs van + den busche alse knaep der heren van + den diedschen huse en_ haer gherard van + der hasselt en_ regher van + der hasselt en_ heine van koudenbroic en_ hanneken van + de_ busche alse late en_ omme~dat dit starc en_ vast si hanghe wi hijr onsen seghel an beseghelt in + den jare ons here_ dusent drie + hu_dert en_ + drie in de wedemaent viertien + daghe vor sente jans misse .