Corpus Van Reenen-Mulder (CRM14): Oorkonde O652r33001

Allen den ghenen die desen brief sullen zien of hoeren lesen / wi scepenen van Mierbeke maken cont / dat voer ons es comen godeuert de zaghere / ende heuet quite ghescolden alle dat recht dat hi hadde of heuet an de Moele te wolputte / te miins heren des abbeds ende des couents behoef van nieneue / voert ware eneche loftocht of co_mer op die vorsede Moele van godeuerds weghe voerende / die heuet godeuerd ghelouet of te doene / ende daer of goed warant te wesene op hem ende op tsine / jn kennessen der waerheit so hebben wi scepenen vorseit desen brief beseghelt med den propren zeghele van onsen scependoeme / dat was ghedaen jnt jaer ons heren . &mring; ccc˚ _ . xxx . jn sinte andries daghe .